కొన్ని విషయాలను చేయిజార్చుకున్న తర్వాత కానీ వాటి విలువను మనం అర్థం చేసుకోలేం. అయినా మనసుంటే మార్గముంటుంది. ప్రపంచంలో సాధ్యం కానిది ఏదీ లేదు. ఈ విషయాన్ని మరో సారి రుజువు చేస్తున్నారు దిల్రాజు. తెలుగులో ఇటీవల విడుదలైన `జెర్సీ` చిత్రం ఆయనకు చాలా బాగా నచ్చింది. అయితే తెలుగులో ఆ చిత్రాన్ని ఆయన నిర్మించలేదు. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మించారు. అయితే ఆ సినిమాను నిర్మించాలనే కోరిక మాత్రం దిల్రాజులో చాలా ఉంది. అందుకే ఆయన హిందీలో ఆ సినిమాను నిర్మించడానికి సన్నాహాలు చేస్తున్నారు. కరణ్ జోహార్ కూడా ఈ సినిమాను హిందీకి తీసుకెళ్లాలనే ఆలోచనల్లో ఉన్నారట. త్వరలోనే ఆయన కోసం ప్రత్యేక ప్రదర్శనను ఏర్పాటు చేస్తున్నారు. అన్నీ కుదిరితే ఈ చిత్రంతో దిల్రాజు బాలీవుడ్ ఎంట్రీ జరుగుతుంది. మరోవైపు తమిళంలో ఈసినిమాను లైకా ప్రొడక్షన్స్ నిర్మించాలనుకుంటోంది. గౌతమ్ తిన్ననూరి మాత్రం ఈ సినిమాను మరో సారి దర్శకత్వం వహించే ఓపిక తనకు లేదని ఇటీవల సన్నిహితులతో అన్నట్టు సమాచారం.
previous post
next post