Jr Ntr : ఎన్టీఆర్ Jr Ntr ఫ్యాన్స్ ఈమధ్య కొత్త తరహా ట్రెండ్ క్రియేట్ చేశారు. మామూలుగా కొత్త సినిమాకు బ్యానర్లు, కటౌట్లు, పాలాభిషేకాలు, ధియేటర్లో హంగామా గట్టిగానే చేస్తారు. కానీ.. ఇటివల సోషల్ మీడియాలో ఫ్యాన్ వార్లు ఎక్కువయ్యాయి. అడ్వాన్స్ బర్త్ డే విశెష్ అంటూ హంగామా చేసి మా హీరోకు ఇన్ని ట్వీట్లు అంటే.. మా హీరోకు ఇన్ని అని చెప్పుకునేవారు. ఇప్పుడు ఫ్యాన్స్ షోలు వేస్తూ హంగామా చేస్తున్నారు. ఆది 19 ఏళ్లయిన సందర్భం, టెంపర్ ఎనిమిదేళ్లయిన సందర్భంగా షోలు వేస్తున్నారు. సందర్భం లేకపోయినా.. జనతా గ్యారేజ్, జై లవకుశ సినిమాలు వేశారు. అయితే..
ఇటివల రామ్ చరణ్ బర్త్ డేకి హైదరాబాద్ ఆర్టీసీ క్రాస్ రోడ్స్ లోని ధియేటర్లో చరణ్ ఫ్యాన్స్ మగధీర సినిమా వేశారు. అయితే.. వీరికి పోటీగా ఎన్టీఆర్ ఫ్యాన్స్ ‘ఆది’ సినిమాను అంతకంటే గంట ముందే వేశారు. అనంతపురంలో కూడా స్పెషల్ షోలు ప్లాన్ చేశారు. అయితే.. ఇప్పుడు ఎందుకిలా అంటే.. ఆసక్తికరమైన కథనాలు వస్తున్నాయి.. ఇటివల ఆర్ఆర్ఆర్ నుంచి రామ్ చరణ్ పుట్టినరోజు సందర్భంగా విడుదలైన స్టిల్ సంచలనం రేపింది. ఆ తర్వాత సినిమాకు బాలీవుడ్ లో భారీ బిజినెస్ జరిగింది. రామ్ చరణ్ స్టిల్ క్రియేట్ చేసిన ఇంపాక్టే ఇంత భారీ బిజినెస్ జరిగిందని.. అందుకే ఎన్టీఆర్ ఫ్యాన్స్ తమ హీరో గురించి కూడా గొప్పగా చూపిస్తున్నారనేది ఒక వాదన. ఎన్టీఆర్ సినిమా వచ్చి చాలా రోజులైంది కాబట్టి ఇలా షోలు వేస్తున్నారని మరో వాదన.
అయితే.. ఎన్టీఆర్ పై పొలిటికల్ ప్రెషర్ ఉందనేది నిజం. గతంలో ఎన్టీఆర్ ను తెలంగాణకు అధ్యక్షుడిని చేయాలనే వాదన వచ్చింది. ఇప్పుడు ఏపీలో టీడీపీ పరిస్థితి బాగాలేనందున పబ్లిగ్గానే చంద్రబాబు ఎదుటే పార్టీలోకి ఎన్టీఆర్ ను తీసుకురావాలనే డిమాండ్లు ఎక్కువయ్యాయి. ఈ నేపథ్యంలో ఎన్టీఆర్ హవా చూసి చాన్నాళ్లయింది కాబట్టి.. తమ హీరో పవర్ ను టీడీప అధిష్టానానికి గుర్తు చేయడానికే ఈ హంగామా అనేది మరో వాదన. ఎన్టీఆర్ వద్దే ఈ ప్రస్తావన వచ్చినా సున్నితంగా తోసిపుచ్చిన సంగతి తెలిసిందే. ఈ హడావిడికి ఈ మూడు కారణాలు చూపిస్తున్నారు ఫ్యాన్స్. మరి ఏది నిజమో..!