Liger: ఒక్క సాంగ్ మినహా “లైగర్” సినిమా కంప్లీట్ అయిన సంగతి తెలిసిందే. ఫస్ట్ టైం పూరి జగన్నాథ్ దర్శకత్వంలో పాన్ ఇండియా నేపద్యంలో తెరకెక్కిన ఈ మూవీ లో విజయ్ దేవరకొండ, అనన్య పాండే హీరో హీరోయిన్ లుగా నటిస్తున్నారు. కొద్ది నెలల క్రితమే షూటింగ్ కంప్లీట్ చేసుకోవడం జరిగింది. ఆగస్టు 25 వ తారీకు ఈ సినిమా విడుదల చేస్తున్నట్లు ఇప్పటికే సినిమా యూనిట్ ప్రకటించడం తెలిసిందే. అయితే “లైగర్” రిలీజ్ అవ్వకుండానే పూరి దర్శకత్వంలో విజయ్ దేవరకొండ హీరోగా రెండో సినిమా “జనగణమన” షూటింగ్ స్టార్ట్ చేయడం తెలిసిందే.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
దీంతో విజయ్ దేవరకొండ ఫ్యాన్స్ “లైగర్” ప్రమోషన్స్ ఎప్పుడు స్టార్ట్ అవుతాయి అనే డిస్కషన్స్ ఎప్పటినుండో సోషల్ మీడియాలో స్టార్ట్ చేశారు. మేటర్ లోకి వెళితే సరిగ్గా జులై పదవ తారీకు నుండి లైగర్ ప్రమోషన్ స్టార్ట్ చేయాలని పూరి టీం డిసైడ్ అయినట్లు వార్తలు వస్తున్నాయి. ప్రస్తుతం “లైగర్” పోస్ట్ ప్రొడక్షన్ పనులు జరుపుకుంటుంది. నిర్మాతల్లో ఒకరైన కరణ్ జోహార్ అన్ని దగ్గరుండి చూసుకుంటున్నారు. ఇటువంటి తరుణంలో తాజాగా ఈ సినిమా యూనిట్ ఫైనల్ సాంగ్ షూట్ చేయడానికి ఇటీవల రెడీ కావడం జరిగింది.
ప్రమోషన్స్ కి ముందు బ్యాలెన్స్ ఉన్న సాంగ్ కూడా పూర్తి చేయాలని పూరి డిసైడ్ అయ్యారు. “లైగర్” తెలుగుతో పాటు హిందీ, తమిళ్, కన్నడ, మలయాళ భాషల్లో విడుదల చేస్తున్నారు. ఈ సినిమాలో అంతర్జాతీయ బాక్సింగ్ ఛాంపియన్ మైక్ టైసన్ కూడా కీలక పాత్ర పోషించడం జరిగింది. ఇంకా రమ్యకృష్ణ, ఆలీ తదితరులు సినిమాలో కీలక పాత్రలు పోషించారు. ఇండస్ట్రీలో వినపడుతున్న సమాచారం ప్రకారం “అమ్మా నాన్న ఓ తమిళమ్మాయి” ఫ్లవర్ కంటెంట్ కలిగిన సినిమా “లైగర్” అని అంటున్నారు. ప్రస్తుతం విజయ్ దేవరకొండ వరుస పరాజయాల పై ఉన్నారు. దీంతో విజయ్ అభిమానులు “లైగర్” పై బోలెడన్ని ఆశలు పెట్టుకున్నారు. మరి పూరి.. విజయ్ దేవరకొండ ని గట్టెక్కిస్తాడో లేదో చూడాలి.
