Kamal Haasan: తమిళ హీరో శివ కార్తికేయన్ గురించి ప్రత్యేకించి పరిచయం అక్కర్లేదు. తమిళనాట వరుస సినిమాల విజయాలతో ఫుల్ బిజీగా మారాడు ఈ కుర్రాడు. ఈయన నటించిన తాజా సినిమా డాన్ రిలీజై మంచి కమర్షియల్ విజయాన్ని సొంతం చేసుకుంది. ఈ క్రమంలో ఈయనకు తెలుగునాట కూడా మంచి మార్కెట్ ఏర్పడింది. అందుకే ఇక్కడ కూడా పలు అవకాశాలు ఈయన్ని వెతుక్కుంటూ వస్తున్నాయి. తెలుగు దర్శకుడు అనుదీప్ ఒక సినిమాను ఈయనతో చేయనున్నాడు. ఆ సినిమాకు సంబంధించిన షూటింగ్ కార్యక్రమాలు కూడా మొదలు అయిన విషయం తెల్సిందే.
- Read the latest news from NEWSORBIT
- Follow us on facebook , Twitter , instagram and Googlenews
Kamal Haasan: కమల్ హాసన్ నిర్మాతగా శివ కార్తికేయన్ మూవీ:
కొన్ని రోజుల క్రితం కమల్ హాసన్ నిర్మాణంలో శివ కార్తికేయన్ ఒక సినిమాను చేయబోతున్నట్లుగా ప్రకటన వచ్చిన సంగతి తెల్సిందే. ఇప్పుడు ఆ సినిమాకు సంబంధించిన టైటిల్ ను రివీల్ చేయడం జరిగింది. ‘మావీరన్’ అనే టైటిల్ తో ఈ సినిమాను రూపొందనుంది. ఈ సినిమా లో శివ కార్తికేయన్ ఓ ఆర్మీ ఆఫీసర్ గా కనిపించబోతున్నాడు. ‘రాజ్ కుమార్ పెరియాస్వామి’ ఈ సినిమాకు దర్శకత్వం వహించనున్నాడు. భారీ అంచనాల నడుమ రూపొందుతున్న ఈ సినిమా కోసం తమిళ ఆడియన్స్ చాలా ఆసక్తిగా ఉన్నారు.
- Read the latest news from NEWSORBIT
- Follow us on facebook , Twitter , instagram and Googlenews
మరింత సమాచారం:
ఇకపోతే, కమల్ హాసన్ బ్రాండ్ వ్యాల్యూ కారణంగా ఈ సినిమాకు మరింత హైప్ వచ్చింది. ఇక కమల్ హాసన్ సినిమాల విషయానికి వస్తే, విక్రమ్ సినిమా ట్రైలర్ రిలీజై సోషల్ మీడియాలో దుమ్ముదులుపుతోంది. త్వరలో ఈ సినిమా రిలీజ్ కాబోతుంది. లోకేష్ కనగరాజ్ దర్శకత్వంలో రూపొందిన విక్రమ్ సినిమా భారీ విజయాన్ని సొంతం చేసుకుంటుంది అనే నమ్మకం ఇండస్ట్రీ వర్గాల్లో మెండుగా ఉంది. కమల్ మాత్రమే కాకుండా ఆ సినిమా లో విజయ్ సేతుపతి మరియు ఫాహద్ ఫాజిల్ కూడా నటించిన విషయం తెలిసినదే. అయితే తాజాగా ఈ సినిమాలో హీరో సూర్య కూడా ఓ అతిధి పాత్రలో కనబడనున్నాడని వార్తలొచ్చాయి.
