మణిరత్నం సినిమాకి కమల్ వాయిస్ ఓవర్..!!

ఇండియాలోనే విలక్షణ నటుడు కమల్ హాసన్. ఏటువంటి పాత్ర అయినా పరకాయ ప్రవేశం చేసి అలరించటంలో సిద్ధహస్తుడు. భారతీయ చలనచిత్ర రంగంలో ఎన్నో గుర్తుండిపోయే సినిమాలు కమల్ చేయడం జరిగింది. ఒకపక్క సినిమాలు చేస్తూ మరోపక్క రాజకీయాల్లో రాణిస్తూ ఉన్న కమల్ హాసన్.. గత కొంతకాలంగా వరుస పరాజయాలతో కెరియర్ పరంగా ఇబ్బందులు ఎదుర్కొన్నారు. ఇదే సమయంలో రాజకీయంగా కూడా కొన్ని ఇబ్బందులు ఎదుర్కోవటం జరిగింది. అన్ని రకాలుగా పరాజయాలు ఎదురుచూస్తున్న కమల్ కి ఇటీవల “విక్రం” సినిమా రూపంలో విజయం వరించింది.

లోకేష్ కనగరజ్ దర్శకత్వంలో వచ్చిన విక్రమ్ సినిమా తమిళ సినిమా ఇండస్ట్రీలో “బాహుబలి 2” రికార్డులను బ్రేక్ చేయడం విశేషం. సినిమాలో కమల్ నీ లోకేష్ అద్భుతంగా చూపించడం జరిగింది. ఇటువంటి తరుణంలో ఇప్పుడు మరో సంచలన కోలీవుడ్ డైరెక్టర్ కమల్ తో పనిచేయడానికి రెడీ అయినట్లు వార్తలు వినిపిస్తున్నాయి. ఆయన మరెవరో కాదు దర్శకుడు మణిరత్నం. మీటర్లోకి వెళ్తే “పొన్నియన్ సెల్వాన్” అనే సినిమా మణిరత్నం చేస్తున్న సంగతి తెలిసిందే. లైకా నిర్మాణ సారధ్యంలో భారీ బడ్జెట్ లో ఈ సినిమా తమిళంతో పాటు తెలుగు ఇంకా కన్నడ, మలయాళ, హిందీ భాషలలో సెప్టెంబర్ 30 వ తారీఖున విడుదల కానుంది.

అయితే ఈ సినిమాలో అక్కడక్కడ సన్నివేశాలకు సంబంధించిన వాయిస్ ఇవ్వటానికి కమల్ హాసన్ రెడీ అయ్యారట. గతంలో మణిరత్నం దర్శకత్వంలో “నాయకన్” అనే సినిమా మణిరత్నం దర్శకత్వంలో కమల్ చేయడం జరిగింది. ఆ అనుబంధం మేరకు మణిరత్నం దర్శకత్వంలో కమల్ సినిమా చేయనున్నట్లు వార్తలు వస్తున్నాయి. అంత మాత్రమే కాదు లైకా నిర్మాణ సారధ్యంలో శంకర్ దర్శకత్వంలో కమల్ నటించిన ఇండియన్ 2.. ఆగిపోయిన ప్రాజెక్టు కూడా త్వరలో కమల్ స్టార్ట్ చేయనున్నట్లు సమాచారం. ఈ రకంగా ఇప్పుడు “విక్రమ్” సినిమాతో వచ్చిన విజయాన్ని ఆస్వాదిస్తున్న కమల్ కెరియర్ పరంగా మళ్ళీ ఇప్పుడు బిజీ అవుతున్నారు.