`ముని` సిరీస్ నుంచి వస్తున్న మరో హార్రర్ కామెడీ చిత్రం `కాంచన 3`. రాఘవ లారెన్స్ హీరోగా, స్వీయ దర్శక నిర్మాణంలో ఈ సినిమా రూపొందుతోంది. ఈ చిత్రం సెన్సార్ కార్యక్రమాలు పూర్తయ్యాయి. `యు/ఎ` సర్టిఫికేట్తో సినిమా ఏప్రిల్ 19న తెలుగు, తమిళ భాషల్లో సినిమా విడుదల కానుంది. ఈ చిత్రాన్ని తెలుగులో ప్రముఖ నిర్మాత బి.మధు విడుదల చేయనున్నారు. రాఘవేంద్ర ప్రొడక్షన్స్ బ్యానర్ లో రాఘవ నిర్మాణం లో ఈ సినిమా నిర్మించారు. ఈ సందర్బంగా..
రాఘవ లారెన్స్ మాట్లాడుతూ “` కాంచన 3` చిత్రం నా కెరీర్ కే ప్రత్యేకమైంది. ఈ సినిమా కోసం చాలా కష్టపడ్డాం. కథ, కథనం, గ్రాఫిక్స్ ప్రేక్షకుల్ని అబ్బురపరిచేలా ఉంటాయి. గతంలో వచ్చిన కాంచన సిరీస్ చిత్రాలు ప్రేక్షకుల్ని బాగా ఎంటర్ టైన్ చేశాయి. ఇప్పుడు వాటికి మించిన కథా బలంతో వస్తున్నాం. ఈ సినిమా కోసం ఎన్నడూ లేని విధంగా దాదాపు 220 రోజుల పాటు వర్క్ చేశాం. ప్రతీ చిన్న విషయాన్ని చాలా కేర్ ఫుల్ గా ఎగ్జిక్యూట్ చేశాం. ఇప్పటికే రిలీజ్ చేసిన ట్రైలర్ కు అద్భుతమైన స్పందన లభించింది. ఈ ట్రైలర్ తో అంచనాలు తారాస్థాయికి చేరాయి. తమన్ అద్భుతమైన రీ రికార్డింగ్ వర్క్ చేస్తున్నాడు. ఇందులో నా లుక్ కోసం చాలా కేర్ తీసుకున్నాం. యు/ఎ సర్టిఫికేట్తో సినిమాను తెలుగు, తమిళ భాషల్లో ఏక కాలంలో ఏప్రిల్ 19న ప్రపంచవ్యాప్తంగా విడుదల చేస్తున్నాం“ అన్నారు.