Kangana Tabu: ఒకప్పుడు ఇండియన్ ఫిలిం ఇండస్ట్రీ అంటే బాలీవుడ్ సినిమాలు గురించి మాట్లాడుకునే వాళ్ళు. ఆ రీతిలో బాలీవుడ్ సినిమాలు ప్రపంచవ్యాప్తంగా అనేక మందిని ఆకట్టుకునేవి. ప్రపంచ సినిమా రంగంలో హాలీవుడ్ తర్వాత.. బాలీవుడ్ కి మంచి క్రేజ్ ఉంది. అయితే అటువంటి బాలీవుడ్ ఇప్పుడు ప్రమాదకర స్థితిలో ఉంది. దాదాపు కొన్ని సంవత్సరాలు నుండి బాలీవుడ్ ఇండస్ట్రీ నుండి చెప్పుకో దగ్గ హిట్ ఒకటి కూడా పడలేదు. దక్షిణాది సినిమాలు దేశంలోనే కాదు ప్రపంచవ్యాప్తంగా సత్తా చాటుతున్నాయి.
ప్రపంచ సినిమా రంగం ఇప్పుడు ఎక్కువగా ఇండియన్ ఫిలిం ఇండస్ట్రీకి వచ్చేసరికి సౌత్ సినిమాలకు బాగా ఆకర్షించబడటం జరిగింది. ఇక బాలీవుడ్ ఇండస్ట్రీలోనే టాప్ హీరోల సినిమాలను వెనక్కి నెట్టి సౌత్ ఇండస్ట్రీలకు చెందిన సినిమాలు అనేక రికార్డులు క్రియేట్ చేస్తున్నాయి. ఈ ఏడాదిలో RRR, KGF 2 సినిమాలు బాలీవుడ్ ఇండస్ట్రీలో అత్యధిక కలెక్షన్స్ రాబట్టాయి. దక్షిణాది సినిమాలకు బాలీవుడ్ ఏమాత్రం పోటీ ఇవ్వలేకపోయింది. ఈ దెబ్బతో బాలీవుడ్ టాప్ హీరోలు మరియు దర్శకులు సైతం సౌత్ టాలెంట్ నమ్ముకుని సినిమాలు ప్లాన్ చేస్తున్నారు.
ఇప్పటికే షారుక్ ఖాన్, సల్మాన్ ఖాన్ దక్షిణాది దర్శకులతో సినిమాలు ఒప్పుకోవడం తెలిసిందే. గత కొన్ని సంవత్సరాలుగా ఈ రీతిగా సరైన హిట్టు లేక ఇబ్బంది పడుతున్న బాలీవుడ్ కి హీరోయిన్ టబు సక్సెస్ ఇచ్చింది అంటూ కంగనా రనౌత్ సంచలన వ్యాఖ్యలు చేసింది. టబు నటించిన రెండు సినిమాలు..”భూల్ భులయ్య 2″, “దృశ్యం 2” ఈ ఏడాది టాలీవుడ్ ఇండస్ట్రీలో చెప్పుకోదగ్గ విజయాలు అందుకున్నాయి. దీంతో హీరోయిన్ టబు ఓంటి చేత్తో బాలీవుడ్ ఇండస్ట్రీ ని కాపాడింది అని కంగనా ప్రశంసించింది. టాబు స్టార్ డాం అందుకోవడం అభినందనీయమని పేర్కొంది.