యువ క‌థానాయ‌కుడు నిఖిల్ పుట్టిన‌రోజు జూన్ 1. ఈ సంద‌ర్భంగా ఆయ‌న న‌టించ‌బోయే త‌దుప‌రి చిత్రం `కార్తికేయ 2`ను అనౌన్స్ చేశారు. నిఖిల్ కెరీర్‌లో వ‌న్ ఆఫ్ ది బెస్ట్ హిట్ మూవీ `కార్తికేయ`. చందుమొండేటి ఈ చిత్రంతో ద‌ర్శ‌కుడిగా ప‌రిచ‌యం అయ్యారు. 2014లో విడుద‌లైన ఈ స‌స్పెన్స్ థ్రిల్ల‌ర్ బ్లాక్ బ‌స్ట‌ర్ హిట్ అయ్యింది. ఇటు ప్రేక్ష‌కులు.. అటు విమ‌ర్శ‌కుల ప్ర‌శంస‌లు అందుకుంది. అప్పుడే ఈ సినిమాకు సీక్వెల్ రూపొందే అవ‌కాశాలున్నాయ‌ని ప‌లు వార్తలు వ‌చ్చాయి. ఎప్పుడెప్పుడు ఈ సినిమాకు సీక్వెల్ ఉంటుందా? అనే ఆస‌క్తి స‌ర్వ‌త్రా నెల‌కొంది. అయితే ద‌ర్శ‌కుడు చందు మొండేటి మంచి స్క్రిప్ట్ కుదిరే కుదిరిన త‌ర్వాత సీక్వెల్‌ను అనౌన్స్ చేయాల‌నుకున్నారు. అనుకున్న‌ట్లుగానే మంచిస్క్రిప్ట్ కుదిరింది. అలాగే రేపు నిఖిల్ పుట్టిన‌రోజు కావ‌డంతో `కార్తికేయ 2`ను అనౌన్స్ చేశారు. ఈ నెల‌లోనే షూటింగ్‌ను కూడా ప్రారంభించ‌నున్నారు. పీపుల్ మీడియా ఫ్యాక్ట‌రీ బ్యాన‌ర్‌పై ఈ చిత్రాన్ని టి.జి.విశ్వ‌ప్ర‌సాద్ నిర్మించ‌నున్నారు.
