Katrina Kaif: బాలీవుడ్ టాప్ హీరోయిన్లలో ఒకరు కత్రినా కైఫ్. బాలీవుడ్ బాక్సాఫీస్ శాసించే ముగ్గురు ఖాన్లతో నటించిన ఈ ముద్దుగుమ్మ క్రేజ్ మామూలుగా ఉండదు. ముగ్గురు ఖాన్లతో పాటు బీ టౌన్ లో ఉండే దాదాపు టాప్ హీరోలందరి సరసన కత్రినాకైఫ్ నటించడం జరిగింది. ఒక బాలీవుడ్ ఇండస్ట్రీలో మాత్రమే కాక టాలీవుడ్ లో కూడా కత్రినా కైఫ్ నటించింది. త్రివిక్రమ్ దర్శకత్వంలో విక్టరీ వెంకటేష్ నటించిన “మల్లీశ్వరి” సినిమా అదే రీతిలో బాలకృష్ణ తో “అల్లరి పిడుగు” వంటి సినిమాలు చేసింది.
రెండిటిలో “మల్లీశ్వరి” సినిమా పర్వాలేదనిపించినా “అల్లరి పిడుగు” సినిమా అట్టర్ ఫ్లాప్ అయ్యింది. ఆ తర్వాత తెలుగులో పెద్దగా నటించని కత్రినాకైఫ్ దృష్టి మొత్తం బాలీవుడ్ పైనే పెట్టడం జరిగింది. అందాల ఆరబోతలో ఏమాత్రం హద్దులు లేకుండా ఉండే కత్రినా కైఫ్ .. మొదటి నుండి బాలీవుడ్ ఇండస్ట్రీలో కీలక సినిమా అవకాశాలు అందుకుంటూ తన క్రేజ్ వున్న కొద్దీ పెంచుకుంటూ ఉంది . ఇండస్ట్రీలో కొత్త హీరోయిన్లు అడుగు పెట్టిన గాని కత్రినా కైఫ్ హీరోయిన్లకు ఎప్పుడు పోటీ ఇస్తూనే ఉంది.
Read More: Tollywood vs Bollywood : హిందీ చిత్రాలకి ఎదురెళుతున్న తెలుగు సినిమాలు..! ఆ నాలుగింటిలో విజయం ఎవరిది?
ఈ ముద్దుగుమ్మ కి సోషల్ మీడియాలో కూడా బీభత్సమైన ఫాలోయింగ్ మొదటినుండి ఉంది. ఇలాంటి తరుణంలో తాజాగా ఇండియన్ ఫిల్మ్ ఇండస్ట్రీలో ఏ హీరోయిన్ అందుకోని సరికొత్త రికార్డు తన పేరిట నమోదు చేసుకుంది. మేటర్ లోకి వెళ్తే ఇంస్టాగ్రామ్ లో అత్యధికంగా 50 మిలియన్ ఫాలోవర్స్ సాధించింది. ఇండియన్ ఫిల్మ్ ఇండస్ట్రీలో చాలా తక్కువ టైంలో ఈ రీతిలో సాధించిన వారు లేరు అంట. ఈ వార్త ఇప్పుడు బాలీవుడ్ ఇండస్ట్రీలో పెద్ద హాట్ టాపిక్ అయింది.
