KGF 2: `కేజీఎఫ్ చాప్టర్ 1`తో దేశవ్యాప్తంగా సంచలనం సృష్టించిన కన్నడ రాక్స్టార్ యశ్ మరియు డైరెక్టర్ ప్రశాంత్ నీల్లు.. ఇప్పుడు దానికి కొనసాగింపుగా `కేజీఎఫ్ 2` ప్రేక్షకుల ముందుకు వచ్చేశారు. హోంబలి ఫిల్మ్స్ బ్యానర్ పై విజయ్ కిరంగదూర్ నిర్మించిన ఈ చిత్రంలో శ్రీనిధి శెట్టి హీరోయిన్గా నటించింది.
అలాగే సంజయ్ దత్ విలన్గా చేయగా.. రవీనా టాండన్, ప్రకాష్ రాజ్, రావు రమేశ్ కీలక పాత్రలను పోషించారు. ఎప్పుడో షూటింగ్ పూర్తి చేసుకున్న ఈ చిత్రం అనేక అడ్డంకులను దాటుకుని.. చివరాఖరకు ఏప్రిల్ 14న పాన్ ఇండియా స్థాయిలో విడుదల అయింది. ఇందులో భారీ కథ ఏమీ లేకపోయినా.. యాక్షన్ ఎపిసోడ్స్, హీరో ఎలివేషన్స్, బ్యాక్గ్రౌండ్ మ్యూజిక్ వంటి అంశాలు ఆకట్టుకున్నాయి.
- Read the latest news from NEWSORBIT
- Follow us on facebook , Twitter , instagram and Googlenews
రాకీభాయ్ గా యశ్ తనదైన నటనతో విశ్వరూపం చూపించాడు. మరింత స్టైలీష్గా, తనదైన మేనరిజంలో డైలాగ్స్ చెబుతూ ప్రేక్షకులను కట్టిపడేశాడు. మొత్తానికి తొలిరోజే పాజిటివ్ టాక్ సొంతం చేసుకున్న ఈ సినిమా.. ఇప్పుడు బాక్సాఫీస్ వద్ద భారీ కలెక్షన్స్ను రాబడుతూ అనేక రికార్డులను తిరగరాస్తోంది. ముఖ్యంగా టాలీవుడ్లో ఫస్ట్ వీకెండ్ పూర్తి అయ్యే సరికి ఈ చిత్రం రూ.53.56 షేర్ వసూల్ చేసి వీరు కుమ్ముడు కుమ్మింది. ఇక మరి ఏరియాల వారీగా ఫస్ట్ వీకెండ్ కేజీఎఫ్ 2 టోటల్ కలెక్షన్స్ ను పరిశీలిస్తే..
నైజాం: రూ. 28.17 కోట్లు
సీడెడ్: రూ. 7.44 కోట్లు
ఉత్తరాంధ్ర: రూ. 4.82 కోట్లు
తూర్పు: రూ. 3.56 కోట్లు
పశ్చిమ: రూ. 2.17 కోట్లు
గుంటూరు: రూ. 2.98 కోట్లు
కృష్ణ: రూ. 2.66 కోట్లు
నెల్లూరు: రూ. 1.76 కోట్లు
——————————
ఏపీ+తెలంగాణ టోటల్= రూ. 53.56 కోట్లు (రూ. 84.80 కోట్లు~ గ్రాస్)
——————————
కాగా, తెలుగు రాష్ట్రాల్లో రూ. 78 కోట్లు ప్రీ రిలీజ్ బిజినెస్ చేసిన ఈ చిత్రం.. రూ. 79 కోట్ల బ్రేక్ ఈవెన్ టార్గెట్తో బరిలోకి దిగింది. దీంతో ఈ సినిమా ఇక్కడ బ్లాక్ బస్టర్ హిట్ అవ్వాలంటే ఫస్ట్ వీకెండ్ వచ్చిన కలెక్షన్స్ కాకుండా రూ. 25.44 కోట్ల షేర్ ని అందుకోవాల్సి ఉంది. మరి బ్యాలెన్స్ షేర్ను యశ్ ఎంత త్వరగా వసూల్ చేస్తాడో చూడాలి.