KGF 2: కన్నడ రాక్స్టార్ యశ్ హీరోగా ప్రముఖ దర్శకుడు ప్రశాంత్ నీల్ తెరకెక్కించిన తాజా చిత్రం `కేజీఎఫ్ 2`. 2018లో సైలెంట్గా విడుదలై దేశవ్యాప్తంగా సంచలన విజయం నమోదు చేసిన `కేజీఎఫ్ చాప్టర్ 1`కు కొనసాగింపుగా ఈ చిత్రాన్ని రూపొందించారు. హోంబలి ఫిల్మ్స్ బ్యానర్ పై విజయ్ కిరంగదూర్ భారీ బడ్జెట్తో ఈ సినిమాను నిర్మించారు.
ఇందులో శ్రీనిధి శెట్టి హీరోయిన్గా నటించగా.. బాలీవుడ్ స్టార్ హీరో సంజయ్ దత్ విలన్ పాత్రను పోషించారు. భారీ అంచనాల నడుమ పాన్ ఇండియా స్థాయిలో ఏప్రిల్ 14న రిలీజ్ అయిన ఈ చిత్రం.. అన్ని భాషల్లోనూ బ్లాక్ బస్టర్ హిట్గా నిలిచింది. దీంతో సౌత్తో పాటు నార్త్లోనూ భారీ కలెక్షన్స్ తో పాత రికార్డులను చెరిపేసి కొత్త రికార్డులను నెలకొల్పుతోంది.
- Read the latest news from NEWSORBIT
- Follow us on facebook , Twitter , instagram and Googlenews
ముఖ్యంగా హిందీ మార్కెట్ లో `కేజీఎఫ్2` సినిమా సంచలనాల గురించి ఎంత చెప్పుకున్నా తక్కువే. అక్కడి స్టార్ హీరోల సినిమాలు సైతం కేజీఎఫ్ 2 ముందు వెలవెలబోయాయి. ఇక తాజాగా ఈ చిత్రం బాలీవుడ్ స్టార్ అమీర్ ఖాన్ నటించిన ఇండియన్ హ్యయేస్ట్ గ్రాసింగ్ ఫిల్మ్ `దంగల్` లైఫ్ టైమ్ కలెక్షన్ను దాటేసింది.
ఇంతవరకూ హిందీలో 511.3 కోట్లను సాధించి `బాహుబలి 2` మొదటి స్థానంలో ఉంటే, 387.4 కోట్ల వసూళ్లతో `దంగల్` రెండో స్థానంలో నిలిచింది. ఇన్నాళ్లు దంగల్ స్థానాన్ని ఏ బాలీవుడ్ సినిమా దక్కించుకోలేకపోయింది. కానీ, ఓ డబ్బింగ్ చిత్రమైన కేజీఎఫ్ 2 కేవలం 21 రోజుల్లోనే రూ.391.65 కోట్లను రాబట్టిన దంగల్ స్థానాన్ని ఆక్రమించేసింది. ఆమిర్ ఖాన్ సినిమా మూడో స్థానానికి పడిపోయింది. దీంతో బాలీవుడ్లో సౌత్ సినిమాల విషయంలో వణుకు మొదలైందనే ప్రచారం ఊపందుకుంది.