Kiara Advani: హీరోయిన్ కియారా అద్వానీ ఇటీవల పెళ్లి చేసుకోవడం తెలిసిందే. తెలుగులో భరత్ అనే నేను సినిమాతో ఎంట్రీ ఇచ్చి వినయ విధేయ రామ వంటి భారీ డిజాస్టర్ తో మళ్ళీ బాలీవుడ్లోకి వెళ్లిపోయింది. కాగా ఇప్పుడు శంకర్ దర్శకత్వంలో రామ్ చరణ్ నటిస్తున్న సినిమాలో హీరోయిన్ గా చేస్తోంది. ఈ క్రమంలో ఇటీవల ఓ మీడియాతో మాట్లాడుతూ… “RC 15” గురించి తెలియజేస్తూ చరణ్ చాలా గ్రౌండ్ లెవెల్ నటుడని తెలిపింది. వినయ విధేయ రామ చేస్తున్న సమయంలో ఏ రకంగా ఉన్నారో “RRR” వంటి గ్రాండ్ సక్సెస్ తర్వాత కూడా అదే చరణ్ కనిపిస్తున్నాడని పొగడ్తలతో ముంచెత్తడం జరిగింది. చరణ్ తో “వినయ విధేయ రామ” లో వర్క్ చేయటం చాలా ఆనందంగా ఉందని తెలిపింది.
ఆయనతో వర్క్ చేయడం ఎల్లప్పుడూ బాగుంటుందని స్పష్టం చేయడం జరిగింది. చరణ్ ఒక ఫైన్ ఆక్టర్ ఇంకా సూపర్ డాన్సర్ అని కియారా పేర్కొంది. ఇదిలా ఉంటే ప్రస్తుతం శంకర్ దర్శకత్వంలో చరణ్ నటిస్తున్న సినిమా షూటింగ్ కాస్త వాయిదా పడింది. శంకర్ కమల్ హాసన్ తో చేస్తున్న.. ఇండియన్ 2 సినిమా కంప్లీట్ చేయనున్నారు. ఈ సినిమా అయినా వెంటనే మళ్లీ చరణ్ సినిమా షూటింగ్ స్టార్ట్ చేయనున్నట్లు సమాచారం.
ఇదిలా ఉంటే ఈనెల 27వ తారీకు నాడు రామ్ చరణ్ బర్తడే నేపథ్యంలో శంకర్ సినిమా టైటిల్ తో కూడిన పోస్టర్ విడుదల చేయడానికి సినిమా యూనిట్ ప్లాన్ చేస్తున్నట్లు సమాచారం. చరణ్ కెరియర్ లో ఇది అత్యంత హై బడ్జెట్ సినిమా. దిల్ రాజు నిర్మాణ సారథ్యంలో తెరకెక్కుతోంది. తమన్ ఈ సినిమాకి మ్యూజిక్ అందిస్తూ ఉన్నారు. పాన్ ఇండియా నేపథ్యంలో ఈ సినిమా తెరకెక్కుతోంది.