యంగ్ టైగర్ ఎన్టీఆర్ “RRR”తో ప్రపంచవ్యాప్తంగా మంచి గుర్తింపు దక్కించుకోవడం తెలిసింది. కొమరం భీమ్ పాత్రలో ఎన్టీఆర్ నటన మనదేశంలోనే కాదు ప్రపంచవ్యాప్తంగా అనేక దేశాల సినీ ప్రేమికులను ఎంతగానో ఆకట్టుకుంది. దీంతో రాజమౌళి పుణ్యమా “RRR”తో తారక్ ఫస్ట్ ఇండస్ట్రీ హిట్ టెస్ట్ చూసినట్లయింది. అయితే ఎన్టీఆర్ కెరియర్ లో రాజమౌళితో చేసిన తర్వాత వరుస ప్లాపులు గతంలో రావడం మనం చూసాం. “సింహాద్రి” తరువాత ఓ రేంజ్ లో క్రేజ్ ఏర్పడగా… మళ్లీ అదే స్థాయిలో విజయం సాధించడానికి తారక్ నాన తంటాలు పడ్డాడు. మళ్లీ తిరిగి జక్కన్న చేతిలో పడితే తప్ప హిట్టు పడలేదు. “యమదొంగ” రూపంలో ఆ టైంలో రాజమౌళితో చేసి మళ్లీ ఎన్టీఆర్ హిట్ ట్రాక్ ఎక్కాడు.
అయితే “యమదొంగ” తర్వాత కూడా కెరియర్ పరంగా అనేక అపజయాలు ఎన్టీఆర్ చూడడం జరిగింది. ఇటువంటి తరుణంలో రాజమౌళితో చేసిన “RRR” తర్వాత ప్రస్తుతం ఇప్పుడు తన కెరీర్లో 30వ సినిమా కావటంతో.. కొరటాలతో చేయబోయే ప్రాజెక్ట్ విషయంలో ఎన్టీఆర్ చాలా జాగ్రత్తలు తీసుకుంటున్నారంట. ఇదిలా ఉంటే మే నెలలో సినిమాకి సంబంధించి ఫస్ట్ లుక్ డైలాగ్ తో కూడిన పోస్టర్ రిలీజ్ చేయడం జరిగింది. అయితే సినిమాకి సంబంధించి ఇప్పటివరకు షూటింగ్ స్టార్ట్ కాలేదు. దీంతో సోషల్ మీడియాలో రకరకాల డిస్కషన్ జరుగుతున్నాయి.
ఇటువంటి తరుణంలో “NTR 30” షూటింగ్ ఆలస్యం కావటానికి గల కారణం ఇండస్ట్రీ నుండి అందుతున్న సమాచారం ప్రకారం చూస్తే సినిమా కోసం ఎన్టీఆర్ బరువు తగ్గే పనిలో పడ్డారంట. మంచి స్లిమ్ గా ఎన్టీఆర్ తయారు కానున్నట్లు అందుకోసమే.. షూటింగ్ కొరటాల స్టార్ట్ చేయలేదట. ప్రస్తుతం అందుతున్న సమాచారం ప్రకారం సెప్టెంబర్ మాసం నుండి “NTR 30” రెగ్యులర్ షూటింగ్ స్టార్ట్ కానున్నట్లు వార్తలు వస్తున్నాయి. కొరటాల శివ దర్శకత్వంలో గతంలో ఎన్టీఆర్ “జనతా గ్యారేజ్” తో సూపర్ హిట్ అందుకోవడంతో ఈ ప్రాజెక్టుపై అభిమానులకు భారీ అంచనాలు ఏర్పడ్డాయి.