Krithi Shetty: తెలుగులో ఆ ఇద్దరు హీరోలతో చేయాలని నా డ్రీమ్ అంటున్న కృతి శెట్టి..!!

Krithi Shetty: బుచ్చిబాబు దర్శకత్వంలో మెగా హీరో వైష్ణవ తేజ్(Vaishnav Tej) హీరోగా తరకెక్కిన “ఉప్పెన”(Uppena) సినిమాతో స్క్రీన్ ఎంట్రీ ఇచ్చిన కృతి శెట్టి(Krithi Shetty).. ఫస్ట్ సినిమాతోనే బ్లాక్ బస్టర్ విజయం సొంతం చేసుకోవడం తెలిసిందే. మొదటి సినిమా అయినా గాని రొమాంటిక్ గా మరియు ఎమోషనల్ సన్నివేశాలు పండించడంలో స్క్రీన్ మీద తన మార్క్ నటన చూపించింది. దీంతో ఈ సొట్ట బుగ్గ సుందరి.. సౌత్ ఇండియాలో ఇప్పుడు క్రేజీ హీరోయిన్ గా మారిపోయింది. ఒకపక్క తమిళంలో చేస్తూ మరోపక్క తెలుగులో వరుస అవకాశాలు అందుకుంటూ దూసుకుపోతుంది.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

తాజాగా ఎనర్జిటిక్ హీరో రామ్ పోతినేని(Ram Pothineni) తమిళ దర్శకుడు లింగస్వామి(Lingu Swamy) దర్శకత్వంలో చేసిన “దీ వారియర్”(The Warrior) సినిమాలో హీరోయిన్ గా చేయడం జరిగింది. ఈ సినిమాకి సంబంధించి ప్రమోషన్ కార్యక్రమాలలో చురుగ్గా పాల్గొంటున్న కృతి శెట్టి… ఇటీవల ఇంటర్వ్యూలో తెలుగులో సూపర్ స్టార్ మహేష్ బాబు(Mahesh Babu), మెగా పవర్ స్టార్ రామ్ చరణ్(Ram Charantej) తో చేయాలని తన డ్రీమ్ అంటూ చెప్పుకొచ్చింది.

అంత మాత్రమే కాదు రామ్ చరణ్ సూపర్ క్యూట్ గా ఉంటాడని, మహేష్ బాబు అయితే ఇంకా చాలా హ్యాండ్సంగా ఉంటాడని ఇద్దరు హీరోలను కృతి శెట్టి పొగడ్తలతో ముంచెత్తడం జరిగింది. ఇదిలా ఉంటే ప్రస్తుతం రామ్ తో చేసిన “ది వారియర్” ఈనెల 14వ తారీఖున విడుదల కానుంది. తమిళం మరియు తెలుగు భాషల్లో విడుదలవుతుంది. ఈ సినిమా తర్వాత నాగచైతన్య సరసన కృతి శెట్టి రెండోసారి నటిస్తోంది. గతంలోనే వీరిద్దరి కాంబినేషన్ లో “బంగార్రాజు”(Bangarraju) చిత్రం రావటం జరిగింది. మరోసారి వీరిద్దరూ కలిసి నటించిన సంచలనంగా మారింది.