RC15: `ఆర్ఆర్ఆర్‌`తో భారీ విజ‌యాన్ని ఖాతాలో వేసుకున్న మెగాప‌వ‌ర్ స్టార్ రామ్ చరణ్.. ప్ర‌స్తుతం ఇండియ‌న్ స్టార్ డైరెక్ట్స్‌లో ఒక‌రైన శంక‌ర్‌తో త‌న నెక్స్ట్ ప్రాజెక్ట్‌ను ప‌ట్టాలెక్కించిన సంగ‌తి తెలిసిందే. `ఆర్సీ 15` వ‌ర్కింగ్ టైటిల్‌లో శ‌ర‌వేగంగా షూటింగ్ జ‌రుపుకుంటున్న ఈ చిత్రంలో కియారా అద్వానీ హీరోయిన్‌గా న‌టిస్తోంది.
శ్రీ‌కాంత్‌, జ‌య‌రామ్‌, సునీల్‌, అంజలి, న‌వీన్ చంద్ర త‌దిత‌రులు ఇందులో కీల‌క పాత్ర‌ల‌ను పోషిస్తున్నారు. పొలిటిక‌ల్ యాక్ష‌న్ థ్రిల్ల‌ర్‌గా రూపుదిద్దుకుంటున్న ఈ మూవీని శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై బ‌డా నిర్మాత దిల్ రాజు హై బ‌డ్జెట్‌తో పాన్ ఇండియా స్థాయిలో నిర్మిస్తుండ‌గా.. త‌మ‌న్ స్వ‌రాలు స‌మ‌కూర్చుతున్నాడు.
- Read the latest news from NEWSORBIT
- Follow us on facebook , Twitter , instagram and Googlenews
ఇదిలా ఉంటే.. ఈ చిత్రానికి `స‌ర్కారోడు` అనే టైలిల్‌ను శంకర్ టీం ప‌రిశీలిస్తుంద‌ని, దానినే ఖ‌రారు చేయ‌నున్నార‌ని మొన్న‌టి వ‌ర‌కు వార్త‌లు వ‌చ్చాయి. అయితే తాజాగా శంకర్ మ‌న‌సు మార్చుకున్నార‌ట. `ఆర్సీ 15`కు స‌ర్కారోడు కాకుండా `అధికారి` అనే టైటిల్‌ను పెడితే క‌థ క‌రెక్ట్‌గా సెట్ అవుతుంద‌ని ఆయ‌న భావిస్తున్నార‌ట.
అందుకు రామ్ చరణ్ కూడా గ్రీన్ సిగ్నెల్ ఇచ్చాడ‌ని.. త్వ‌ర‌లోనే `అధికారి` టైటిల్‌ను అఫీషియ‌ల్‌గా క‌న్ఫార్మ్ చేయ‌నున్నార‌ని జోరుగా ప్ర‌చారం జ‌రుగుతోంది. మ‌రి ఈ ప్ర‌చారం ఎంత వ‌ర‌కు నిజ‌మో తెలియాలంటే మ‌రి కొద్ది రోజులు వెయిట్ చేయాల్సిందే. కాగా, భారీ అంచ‌నాలు ఉన్న ఈ చిత్రం ఇప్ప‌టికే అర‌వై శాతం షూటింగ్‌ను కంప్లీట్ చేసుకుంది. మిగిలిన భాగాన్ని కూడా శంకర్ త్వ‌ర‌త్వ‌ర‌గా కంప్లీట్ చేయాల‌ని శంకర్ భావిస్తున్నారు. ఇక ఈ మూవీ వ‌చ్చే ఏడాది స‌మ్మ‌ర్‌లో విడుద‌ల అయ్యే అవ‌కాశాలు ఉన్నాయి.
