Liger: రౌడీ విజయ్ దేవరకొండ కెరియర్ లో “లైగర్” అతిపెద్ద డిజాస్టర్ సినిమా. ఫస్ట్ టైం పాన్ ఇండియా నేపథ్యంలో తెరకెక్కిన ఈ చిత్రం బాక్సాఫీస్ వద్ద బోల్తా పడింది. డాషింగ్ డైరెక్టర్ పూరి జగన్నాథ్ దర్శకత్వంలో తేరకెక్కిన ఈ సినిమా ఆగస్టు 25వ తారీకు విడుదలయ్యి అట్టర్ ఫ్లాప్ అయ్యింది. ఈ సినిమా కోసం దాదాపు రెండున్నర సంవత్సరాలు పాటు విజయ్ దేవరకొండ టైం కేటాయించడం జరిగింది. సినిమా రిలీజ్ అవ్వకముందు ఇండియా షేక్ చేసేస్తా… అంటూ పెద్ద పెద్ద డైలాగులు వేయడం జరిగింది. కానీ సినిమా పరాజయం పాలయ్యింది.
ఈ సినిమా కోసం చాలా నెలలపాటు భారీ వర్కౌట్ లు విజయ్ చేయడం జరిగింది. లాక్ డౌన్ సమయంలో కూడా బాడీ ఫిట్ గా ఉండేలా చాలా జాగ్రత్తలు తీసుకున్నాడు. అయినా సినిమా ఫలితం నిరాశే మిగిల్చింది. తాజాగా “లైగర్” సినిమా గురించి ఓ కార్యక్రమంలో విజయ్ దేవరకొండ సంచలన వ్యాఖ్యలు చేయడం జరిగింది. “లైగర్” తన జీవితంలో ఎంతో మార్పు తీసుకొచ్చిందని పేర్కొన్నాడు. ఒక మనిషిగా ఎలా ఉండాలో నేర్పింది. ఈ సినిమా తర్వాత నేనేం చెయ్యాలి? ఎలా చెయ్యాలి? అన్న పాఠాలను నేర్పింది. నా జీవితంలో “లైగర్” సినిమా ద్వారా అత్యంత విలువైన గుణపాఠాన్ని నేర్చుకున్నాను” అంటూ చెప్పుకొచ్చాడు విజయ్.
దీంతో ఇప్పటికైనా… తమ అభిమాన హీరోలో మార్పు వచ్చిందని… తాజా కామెంట్ల పై విజయ్ దేవరకొండ ఫ్యాన్స్ హ్యాపీగా ఫీల్ అవుతున్నారు. ఇదిలా ఉంటే ప్రస్తుతం శివ నిర్వాణ దర్శకత్వంలో “ఖుషి” అనే సినిమా చేస్తున్న సంగతి తెలిసిందే. ఈ సినిమాలో సమంత హీరోయిన్. అయితే ఇటీవల ఆమె అనారోగ్యానికి గురి కావటం తెలిసిందే. దీంతో డిసెంబర్ నెలలో వస్తుంది అనుకున్న “ఖుషి” ఇప్పుడు.. వచ్చే ఏడాది ఫిబ్రవరి నెలలో విడుదల చేయనున్నారు. దీంతో ప్రస్తుతం కెరియర్ పరంగా విజయ్ దేవరకొండకి బ్యాక్ టైమ్ నడుస్తున్నట్లు అభిమానులు భావిస్తున్నారు. ఏది ఏమైనా నెక్స్ట్ మంచి హిట్ తమ హీరోకి పడాలని కోరుకుంటున్నారు.
