నిర్మాత ఎం.ఎస్.రాజు దర్శకత్వంలో రూపొందుతోన్న చిత్రం ‘డర్టీ హరి’. ఎస్. పి. జి. క్రియేషన్స్‌ పతాకం పై గూడూరు శివరామకృష్ణ సమర్పణలో, గూడూరు సతీష్‌ బాబు, గూడూరు ఈ చిత్రాన్ని నిర్మిస్తున్నారు. శ్రవణ్‌ రెడ్డి హీరోగా పరిచయమవుతున్న ఈ చిత్రంలో రుహాని శర్మ , సిమ్రత్‌ కౌర్‌ హీరోయిన్స్‌గా నటిస్తున్నారు. దర్శకుడు ఎం. ఎస్. రాజు మాట్లాడుతూ “బాలచందర్‌, పుట్టన్న కనగల్‌, భరతన్‌ వంటి దర్శకులు చేసిన కొన్ని ప్రయత్నాలు అప్పట్లో చాలా బోల్డ్‌ గా ఉన్నా బ్యూటిఫుల్‌గా, క్లాసికల్‌గా ఉండేవి. అలాంటి వారి స్ఫూర్తితోనే ఈ చిత్రాన్ని నేను కూడా చాలా బోల్డ్‌గా, పొయెటిక్‌గా మలిచాను” అన్నారు. చిత్ర సమర్పకులు గూడూరు శివరామకృష్ణ మాట్లాడుతూ “ప్రస్తుతానికి కథాంశం గోప్యంగా ఉంచుతున్నాం. షూటింగ్‌ మొత్తం పూర్తి చేసుకొని, పోస్ట్‌ ప్రొడక్షన్‌ పనుల్లో ఉన్నాం. త్వరలోనే టీజర్‌ రిలీజ్ చేస్తాం”అని తెలిపారు . చిత్రనిర్మాతలు గూడూరు సతీష్‌ బాబు, గూడూరు సాయి పునీత్‌ మాట్లాడుతూ ‘డర్టీ హరి‘ కొంత బోల్డ్‌ ప్రయత్నం అయినా, ఎమోషన్స్‌ మరియు ఎంటర్టైన్మెంట్‌ పాళ్ళు ఏ మాత్రం మిస్‌ చేయలేదు. శ్రవణ్‌ రెడ్డి ని హీరోగా పరిచయం చేస్తున్నాం. రిలీజ్ డేట్‌ ని త్వరలో ప్రకటిస్తాం” అని తెలిపారు.
