Mahesh Babu: టాలీవుడ్ ఇండస్ట్రీలో స్టార్ హీరోలగా చలామణి అవుతున్న ప్రస్తుత తరంలో.. నంది అవార్డులు ఎక్కువ అందుకున్న హీరో విషయానికొస్తే అది కచ్చితంగా మహేష్ బాబు అని చెప్పవచ్చు. మహేష్ బాబు ప్రారంభం నుండి ఫ్యామిలీ ఆడియన్స్ తో పాటు మాస్ ప్రేక్షకులను దృష్టిలో పెట్టుకొని సినిమాలు చేస్తూ వచ్చేవారు. “ఒక్కడు” సినిమా తో కెరీర్ లో ఫస్ట్ బ్లాక్ బస్టర్ అందుకున్న మహేష్ బాబు .. “పోకిరి” రాకముందు వరకు ఫ్యామిలీ ఆడియన్స్ క్లాస్ఇమేజ్ తరహాలో మెయింటెన్ చేసేవాడు.
కానీ ఎప్పుడైతే తన కెరీర్ లో “పోకిరి” సినిమా పడిందో .. తన నటనలో ఉన్న మాస్ యాంగిల్ అదరగొట్టే రీతిలో స్క్రీన్ పై ప్రెజెంట్ చేయడం జరిగిందో మహేష్ తలరాత ఒక్కసారిగా మారిపోయింది. పోకిరి సినిమాతో ఇండస్ట్రీ హిట్ అందుకొని .. టాలీవుడ్ సింహాసనం అధిరోహించే రీతిలో చిరంజీవి తర్వాత స్థానం మన తరహాలో నెంబర్ వన్ అనే విధంగా మహేష్ ఇమేజ్ సాధించడం జరిగింది.
ఇప్పుడు అదే తరహాలో తన కెరీర్ కొనసాగిస్తున్న సంగతి తెలిసిందే. అటువంటి మహేష్ బాబు తన కెరీర్ లో ఎన్ని నంది అవార్డులు అందుకున్నాడో ఒకసారి లిస్టు చూద్దాం. మహేష్ తన కెరీర్ లో మొత్తం ఎనిమిది నంది అవార్డులు సొంతం చేసుకున్నాడు. మొదటి సినిమా రాజకుమారుడు తోనే బెస్ట్ మెయిల్ నంది అవార్డు అందుకోవడం జరిగింది. స్పెషల్ జ్యూరీ అవార్డు కింద మురారి, టక్కరి దొంగ, అర్జున్ సినిమాలకు అవార్డులు అందుకున్నారు. ఇక ఉత్తమ నటుడిగా నిజం, అతడు, దూకుడు, శ్రీమంతుడు సినిమాలకు అవార్డులు అందుకున్నాడు.