Mahesh Babu-Keerthi Suresh: టాలీవుడ్ ప్రిన్స్ మహేష్ బాబు ప్రస్తుతం చేస్తున్న చిత్రం `సర్కారు వారి పాట`. పరుశురామ్ దర్శకత్వం వహిస్తున్న ఈ మూవీలో కీర్తి సురేష్ హీరోయిన్గా నటిస్తోంది. మైత్రి మూవీ మేకర్స్, జీఎమ్బి ఎంటర్టైన్మెంట్, 14 రీల్స్ ప్లస్ బ్యానర్లపై నిర్మితమవుతున్న ఈ చిత్రానికి ఎస్. ఎస్. తమన్ సంగీతం అందిస్తున్నాడు.
శరవేగంగా షూటింగ్ జరుపుకుంటున్న ఈ చిత్రాన్ని మే 12న ప్రేక్షకుల ముందుకు తీసుకురాబోతున్నారు. అయితే ఫిబ్రవరి 14న ప్రేమికుల దినోత్సవం సందర్భంగా సర్కారు వారి పాట ఫస్ట్ సింగిల్ సాంగ్ను విడుదల చేసేందుకు మేకర్స్ ముహూర్తం ఖరారు చేశారు. `కళావతి` అంటూ సాగే ఈ పాటకి సంబంధించిన పోస్టర్ ను కొంతసేపటి క్రితమే వదిలారు.
ఈ పోస్టర్లో కీర్తి సురేష్తో మహేష్ బాబు రొమాంటిక్ స్టిల్ తెగ ఆకట్టుకుంటోంది. అలాగే సినిమాలో వీరిద్దరి మధ్య కెమిస్ట్రీ బాగానే వర్కౌట్ కానుందని తాజా పోస్టర్ బట్టే అర్థమైపోతోంది. దీంతో ఈ పోస్టర్ కాస్త నెట్టింట వైరల్గా మారింది. ఇక దీన్ని చూసిన నెటిజన్లు.. `పోస్టర్ బాగానే ఉంది కానీ.. నమ్రత చూస్తే మహేష్ పరిస్థితి ఏమవుతుందో..?` అంటూ ఫన్నీగా కామెంట్స్ చేస్తున్నారు.
కాగా, ఇండియన్ బ్యాంకింగ్ వ్యవస్థను కదిలించిన కుంభకోణాల నేపథ్యంలో రూపుదిద్దుకుంటున్న ఈ చిత్రంలో మహేష్ బాబు బ్యాంక్ మేనేజర్ పాత్రలో కనిపించబోతున్నాడు. అలాగే సీనియర్ హీరో అర్జున్ కీలక పాత్రలో కనిపించబోతుండగా.. నవీన్ యెర్నేని, వై రవి శంకర్, రామ్ ఆచంట, గోపీ ఆచంట ఈ చిత్రానికి నిర్మాతలుగా వ్యవహరిస్తున్నారు.
The Classical Melody #Kalaavathi will strum your heart strings ♥️ #SVPFirstSingle will join your playlists on FEB 14 🎶#SarkaruVaariPaata#SVPOnMay12
Super 🌟 @urstrulyMahesh @KeerthyOfficial @ParasuramPetla @MusicThaman @MythriOfficial @GMBents @14ReelsPlus @saregamasouth pic.twitter.com/CtyfZaQXdg
— SarkaruVaariPaata (@SVPTheFilm) February 9, 2022
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!