సూపర్ స్టార్ మహేష్ బాబు పూరి జగన్నాధ్ కాంబినేషన్‌లో వచ్చిన పోకిరి సినిమా ఎంతటి సంచలనం సృష్టించిందో చెప్పనవసరం లేదు. టాలీవుడ్ ఇండస్ట్రీలోనే ట్రెండ్ సెట్టర్ గా నిలిచిన పోకిరి చిత్రం తెలుగు సినిమాకు కొత్త నిర్వచనం ఇచ్చింది. ఇక ఆగస్ట్ 9న విడుదల అవుతున్న పోకిరి చిత్రానికి మూవీ టికెట్స్ హాట్ కేకుల్లా అమ్ముడవుతున్నాయి. పండు గాడి డైలాగ్స్, యాక్షన్ సీన్స్ అప్పట్లో ఎంజాయ్ చెయ్యలేని యువత ఇప్పుడు టికెట్స్‌ను ఎగబడి మరీ కొంటున్నారు.
పోకిరి మరొకసారి రిలీజ్
ఇక సీనియర్ అభిమానులు సైతం తమ హీరో కెరీర్‌లో బ్లాక్ బస్టర్ హిట్ అయిన పోకిరిని మరోసారి బిగ్ స్క్రీన్ పై చూడాలని ఆసక్తి చూపుతున్నారు. అందుకే వీరు కూడా భారీగా టికెట్స్ కొనుగోలు చేస్తున్నారు. ఆగస్టు 9న మహేష్ బాబు పుట్టినరోజు. అతని పుట్టిన రోజు ఈ సందర్భంగా సినిమాని 4కె క్వాలిటీలో విడుదల చేయాలనుకున్నారు. ఈ విషయం తెలిసిన ఫ్యాన్స్ సినిమా రీ-రిలీజ్‌కి ఇంకా రెండు రోజుల సమయం ఉండగానే టికెట్స్ కొనుగోలు చేస్తున్నారు. దాంతో థియేటర్లు పలు షోలకు హౌస్ ఫుల్ బోర్డ్స్ పెట్టేస్తున్నాయి.
హాట్ కేకుల్లా టికెట్స్ సెల్లింగ్!
ఆగస్ట్ 8న ప్రీమియర్ షోస్‌కి సైతం టికెట్స్ పూర్తిగా బుక్ అయ్యాయి. ఇక హైదరాబాద్ ఐమాక్స్ లో 7 షోలకు సైతం టికెట్స్ వెంటనే బుక్ అవ్వొచ్చని థియేటర్ నిర్వాహకులు అభిప్రాయపడుతున్నారు. ఏప్రిల్ 28, 2006న విడుదలైన పోకిరి చిత్రం సంచలన విజయం సాధించింది. సూపర్ స్టార్ మహేష్ బాబు పుట్టిన రోజు సందర్బంగా ఆగస్ట్ 9న ఈ సినిమాని మరొకసారి థియేటర్లలో విడుదల చేయాలని నిర్ణయించారు. అయితే ఈ సినిమా రిలీజ్ చేయడం వెనుక మరొక మంచి కారణం ఉంది. ఈ సినిమా ప్రదర్శించడం ద్వారా వచ్చిన ఆదాయం మొత్తం చిన్న పిల్లల గుండె జబ్బులకి అయ్యే వైద్య ఖర్చులకు.. అనాధ పిల్లల చదువుకు ఉపయోగించనున్నారు.
