Mahesh Babu: సూపర్ స్టార్ మహేష్ బాబు ప్రస్తుతం “గీత గోవిందం” డైరెక్టర్ పరుశురాం దర్శకత్వంలో “సర్కారు వారి పాట” సినిమా చేస్తున్న సంగతి తెలిసిందే. “సరిలేరు నీకెవ్వరు” సినిమా తర్వాత మహేష్ చేస్తున్న ఈ సినిమాపై అంచనాలు ఓ రేంజిలో ఉన్నాయి. గత చిత్రాలకు భిన్నంగా ఈ సినిమా లో మహేష్ మేకోవర్ పూర్తిగా డిఫరెంట్ గా మారిపోవడంతో .. పాటు మెడ మీద గతంలో ఎన్నడూ లేని విధంగా టాటూలు వేయించుకోవడం తో సినిమా స్టోరీ ఏంటి అన్నదానిపై అభిమానులతో పాటు సినీ ప్రేమికులలో ఆసక్తి నెలకొంది.
ఇదిలా ఉంటే ఇప్పటికే ఈ సినిమాకి సంబంధించి మొదటి షెడ్యూల్ షూటింగ్ దుబాయి లో సక్సెస్ ఫుల్ గా కంప్లీట్ అయిన సంగతి తెలిసిందే. అయితే ప్రస్తుతం కరోనా నేపథ్యంలో షూటింగులు ఆగిపోవటంతో సినిమాకి సంబంధించి పాటలు విషయంలో మ్యూజిక్ డైరెక్టర్ తమన్ మంచి స్పీడ్ మీద ఉన్నారు. సినిమా దూకుడు తరహాలో చాలా డిఫరెంట్ కాన్సెప్ట్ తో మంచి ఎంటర్టైన్మెంట్ సినిమా అని ఇప్పటికే ఈ సినిమాపై తమన్ కామెంట్లు చేయడం జరిగింది.
Read More: Mahesh Babu: తెలంగాణ లో రికార్డ్ క్రియేట్ చేసిన మహేష్ బాబు కొడుకు..!!
కాగా ఈ సినిమాలో ఒక ఐటెం సాంగ్ తమన్ చాలా కొత్తదనం రీతిలో ఇస్తున్నట్టు లేటెస్ట్ ఫిల్మ్ నగర్ టాక్. అయితే ఈ ఐటెం సాంగ్ కోసం ప్రత్యేకంగా మహేష్ సరసన బాలీవుడ్ ఇండస్ట్రీకి చెందిన ఓ టాప్ హీరోయిన్ చేత స్టెప్పులు వేయించాలని సినిమా యూనిట్ అనుకుంటున్నట్లు సమాచారం. చాలా వెరైటీగా ఇప్పటి వరకు వినని బాణీలలో తమన్ ఈ సాంగ్ రూపొందించనున్నట్లు టాక్.
