Taapsee Pannu: తాప్సీ.. ఈ పేరుకు పరిచయాలు అవసరం లేదు. `ఝుమ్మంది నాదం` మూవీతో సినీ రంగ ప్రవేశం చేసిన ఈ ముద్దుగుమ్మ.. ఆ తర్వాత వరుస సినిమాలు చేసింది. కానీ, సరైన సక్సెస్ లేకపోవడంతో బాలీవుడ్కి మాకం మార్చిన తాప్సీ.. అక్కడ బాగానే సక్సెస్ అయింది. ప్రస్తుతం బాలీవుడ్లో వరుస సినిమాలు చేస్తూ దూసుకుపోతున్న తాప్సీ.. లాంగ్ గ్యాప్ తర్వాత తెలుగులో చేసిన చిత్రం `మిషన్ ఇంపాజిబుల్`.
ఏజెంట్ సాయి శ్రీనివాస ఆత్రేయ ఫేం స్వరూప్ డైరెక్ట్ చేసిన ఈ సినిమాను మ్యాట్నీ ఎంటర్టైన్మెంట్ బ్యానర్పై నిరంజన్ రెడ్డి, అన్వేష్ రెడ్డి సంయుక్తంగా నిర్మిస్తున్నారు. మలయాళ నటుడు హరీశ్ పేరడీ ఇందులో కీలక పాత్రను పోషిస్తున్నారు. మార్క్ కె రాబిన్ సంగీతం అందిస్తున్నారు. ఇప్పటికే షూటింగ్ కంప్లీట్ చేసుకున్న ఈ మూవీ ఏప్రిల్ 1న గ్రాండ్గా విడుదల కాబోతోంది.
రిలీజ్ డేట్ దగ్గర పడుతుండటంతో ప్రమోషన్స్ షురూ చేసిన మేకర్స్.. సినిమా ట్రైలర్ను మార్చి 14 విడుదల చేయబోతున్నట్లు మొదట ప్రకటించారు. అయితే ఇప్పుడు తాప్సీ సినిమాకు సాయం చేసేందుకు సూపర్ స్టార్ మహేష్ బాబు ముందుకు వచ్చారు. ఇటీవల మేకర్స్ ఆయన్ను సంప్రదించి.. ట్రైలర్ లాంచ్ చేయాలని కోరగా ఆయన వెంటనే గ్రీన్ సిగ్నెల్ ఇచ్చారట.
దీంతో మిషన్ ఇంపాజిబుల్ ట్రైలర్ను మార్చి 15న మహేష్ బాబు విడుదల చేయబోతున్నారని తెలియజేస్తూ మేకర్స్ కొత్త పోస్టర్ బయటకు వదిలారు. ఏదేమైనా మహేష్ ట్రైలర్ లాంచ్ చేస్తే ఖచ్చితంగా ఈ సినిమాపై మరింత హైప్ క్రియేట్ అవుతుంది.