SSMB 29: ప్రపంచంలోనే దిగ్గజ దర్శకుడిగా ఎస్ఎస్ రాజమౌళి పేరు వినపడుతూ ఉంది. RRR కి ఆస్కార్ రావటంతో.. జక్కన్నతో సినిమా చేయడానికి దేశంలోనే కాదు ప్రపంచ స్థాయిలో చాలా నిర్మాణ సంస్థలు క్యూ కడుతున్నాయి. రాజమౌళి పై డిమాండ్ ఈ విధంగా ఉండటంతో… మహేష్ సినిమా కాన్సెప్ట్ ఏంటి అన్నది చాలా చర్చనీయాంసంగా మారింది. ఈ క్రమంలో యాక్షన్ అడ్వెంచర్ నేపథ్యంలో “ఇండియానా జోన్స్” సినిమా కాన్సెప్ట్ మాదిరిగా… ఉండబోతుందని అమెరికాలో ఇంటర్వ్యూలలో రాజమౌళి తెలియజేయడం జరిగింది.
అయితే తాజాగా మహేష్ క్యారెక్టర్ హనుమంతుడు నుంచి ప్రేరణ పొందుతుందని… ఈ సినిమా ఎపిక్ జంగిల్ అడ్వెంచర్ గా రాబోతుందని సరికొత్త వార్త ఇప్పుడు వైరల్ అవుతుంది. అంతేకాదు ఈ సినిమాలో ఎక్కువగా షూటింగ్ ఆఫ్రికా అడవుల్లో జరగనున్నట్లు సమాచారం. ఈ క్రమంలో ప్రస్తుతం లొకేషన్ వేట స్టార్ట్ అయినట్లు… త్వరలో ఈ ప్రాజెక్టుకు సంబంధించిన అధికారిక ప్రకటన రాబోతున్నట్లు ఇండస్ట్రీలో ప్రచారం జరుగుతుంది. “SSMB 29” వర్కింగ్ టైటిల్ తో ఈ సినిమా షూటింగ్ జరుపుకోనుంది. అంతే కాదు మూడు భాగాలుగా ఈ సినిమా రిలీజ్ చేసే విధంగా రాజమౌళి ప్లాన్ చేస్తున్నట్లు సమాచారం. ప్రస్తుతం మహేష్ త్రివిక్రమ్ దర్శకత్వంలో సినిమా చేస్తున్నారు. ఈ సినిమా వచ్చే ఏడాది సంక్రాంతి పండుగ విడుదల కానుంది.
త్రివిక్రమ్ సినిమా కంప్లీట్ అయిన వెంటనే జక్కన్న సినిమా షూటింగ్ స్టార్ట్ చేయడానికి మహేష్ ప్లాన్ చేస్తున్నట్లు సమాచారం. యాక్షన్ సన్నివేశాలు… చేజింగ్ సీన్స్ ఓ రేంజ్ లో ఉండే విధంగా జక్కన్న.. స్క్రిప్ట్ విషయంలో ప్రత్యేకమైన శ్రద్ధ తీసుకున్నట్లు ఇండస్ట్రీ టాక్. ఇక ఈ సినిమాలో హీరోయిన్ గా బాలీవుడ్ ఇండస్ట్రీ హీరోయిన్స్ పేర్లు వినబడుతున్నాయి. దీపికా పదుకొనే లేదా జాహ్నవి కపూర్ నీ తీసుకునే ఆలోచనలో జక్కన్న ఉన్నట్లు సమాచారం. మరి ముఖ్యంగా విజువల్ విఎఫ్ఎక్స్ మరియు గ్రాఫిక్స్ వర్క్ ఓ ప్రముఖ విదేశీ సంస్థ చేతికి అప్పగించబోతున్నట్లు టాక్ నడుస్తోంది.