Bheemla nayak: కరోనా థర్డ్ వేవ్ కారణంగా థియేటర్స్‌లోనే రిలీజ్ చేయలనుకున్న చిన్న, మీడియం, పాన్ ఇండియన్ సినిమాలన్నీ వాయిదా పడిన సంగతి తెలిసిందే. థర్డ్ వేవ్ కాస్త కంట్రోల్ అయితే మళ్ళీ ఈ సినిమాలన్నీ రీ షెడ్యూల్ చేస్తున్నారు. అయితే ఈసారి రిలీజ్ డేట్స్ ఒకటి కాదు రెండు ఫిక్స్ చేసుకుంటున్నారు. పాండమిక్ పరిస్థితులను బట్టి ఒకటి మిస్ అయినా మరొకటి ఫైనల్ చేయాలని మేకర్స్ ముందుగానే పక్కాగా డిసైడవుతున్నారు. తాజాగా రాజమౌళి దర్శకత్వంలో ఎన్.టి.ఆర్, రాం చరణ్, ఆలియా భట్, అజయ్ దేవగణ్, శ్రియా శరణ్, ఓలివియా మోరీస్ ప్రధాన పాత్రల్లో రూపొందిన ఆర్ఆర్ఆర్ సినిమాకు ఇలాగే రెండు డేట్స్ ఫిక్స్ చేసి మేకర్స్ ప్రకటించారు.
జనవరి 7న రిలీజ్ కావాల్సిన ఆర్ఆర్ఆర్ ఈ థర్డ్ వేవ్ వైరస్ వల్లనే పోస్ట్ పోన్ అయింది. అందుకే ఈసారి మార్చ్ 18న ఒక తేదీని అలాగే ఏప్రిల్ నెలలో 28 ఒక తేదీని లాక్ చేశారు. అందరూ మార్చ్ 18న రిలీజ్ చేయాలని కోరుతున్నారు కూడా. చూడాలి మరి ఈ రెండు తేదీలలో ఆర్ఆర్ఆర్ ఏ తేదీకి రిలీజ్ అవుతుందో. అయితే ఇప్పుడు పవర్ స్టార్ పవన్ కళ్యాణ్, రానా హీరోలుగా రూపొందుతున్న మల్టీస్టారర్ మూవీ భీమ్లా నాయక్ సినిమాకు కూడా రెండు తేదీలను ఫిక్స్ చేసినట్టు తాజా సమాచారం. దీనికి సంబంధించిన వార్త ఒకటి సోషల్ మీడియాలో చక్కర్లు కొడుతూ వైరల్ అవుతోంది.
Bheemla nayak: భీమ్లా నాయక్ అదే రోజు వస్తే మెగా అభిమానులకు పెద్ద పండగే.
యంగ్ డైరెక్టర్ సాగ చంద్ర తెరకెక్కిస్తున్న ఈ సినిమా పెండింగ్ సీన్స్‌ను ఈ నెల 25 నుంచి తెరకెక్కించనున్నారట. నిత్యా మీనన్, సంయుక్త మీనన్ హీరోయిన్‌గా కనిపించనున్న ఈ సినిమాకు ఇప్పటికే ఫిబ్రవరి 25న ఒక డేట్ ఫిక్స్ చేశారు. భీమ్లా నాయక్ చిత్రానికి ఆర్ఆర్ఆర్ మూవీ మాదిరిగా ఏప్రిల్ 1 ని కూడా ఫిక్స్ చేసినట్టు తెలుస్తోంది. ఫిబ్రవరి 25న గనక రిలీజ్ కాకపోతే ఏప్రిల్ 1న ప్రేక్షకుల ముందుకు తీసుకురావాలని దర్శక, నిర్మాతలు సన్నాహాలు చేస్తున్నారట. అయితే అదే రోజు మెగాస్టార్ – మెగా పవర్ స్టార్‌ల ఆచార్య రిలీజ్ కానుంది. కాబట్టి భీమ్లా నాయక్ అదే రోజు వస్తే మెగా అభిమానులకు పెద్ద పండగే. చూడాలి మరి దీనికి సంబంధించిన అఫీషియల్ కన్‌ఫర్మేషన్ ఎప్పుడు వస్తుందో.
