Manchu Vishnu: ఈ ఏడాది మర్చి నెలలో దర్శక ధీరుడు రాజమౌళి దర్శకత్వంలో వచ్చిన “RRR” అనేక రికార్డులు సృష్టించిన సంగతి తెలిసిందే. ఇండియన్ ఫిలిం ఇండస్ట్రీలో ఏకంగా వెయ్యి కోట్లకు పైగా కలెక్షన్ సాధించి మరోసారి జక్కన్నకి తిరుగు లేదనిపించింది. “బాహుబలి 2″… “RRR” కంటే ఎక్కువ కలెక్షన్స్ సాధించిన గాని… “RRR”కే మంచి పేరు వచ్చింది. హాలీవుడ్ ఇండస్ట్రీకి చెందిన చాలామంది ప్రముఖ దర్శకులు టెక్నీషియన్స్ రాజమౌళి పనితనాన్ని పొగిడారు. ఇంకా ఎన్టీఆర్.. చరణ్ నటనలపై కూడా ప్రశాంసల వర్షం కురిపించడం తెలిసిందే. ఇటీవల ఏకంగా “RRR” ఆస్కార్ అవార్డు గెలవడానికి కూడా ఆస్కారం ఉందని కథనాలు కూడా వచ్చాయి. అటువంటి “RRR” పై విష్ణు సంచలన వ్యాఖ్యలు చేశారు.
విషయంలోకి వెళ్తే విష్ణు కొత్త సినిమా “జిన్నా” మరి కొద్ది రోజుల్లో విడుదల కానున్న సంగతి తెలిసిందే. ఈ సినిమాలో విష్ణుతో పాటు సన్నీలియోన్, పాయల్ రాజపుత్ హీరోయిన్ లుగా నటించారు. కొద్ది రోజుల క్రితమే సినిమా ప్రమోషన్స్ స్టార్ట్ అయ్యాయి. రీసెంట్ గా సోషల్ మీడియాలో యూట్యూబ్ ఛానల్స్ వాళ్లతో విష్ణు కలిసి ఈ సినిమా గురించి అనేక విషయాలు తెలియజేశారు. ఈ సందర్భంగా ఓ ప్రముఖ యూట్యూబ్ ఛానల్ వ్యక్తి పెద్ద దర్శకులతో మీరు పని చేస్తే చూడాలని ఉంది. మీకు ఏ పెద్ద దర్శకుడుతో పనిచేయాలని ఉందని ప్రశ్నించారు. దానికి ఏమాత్రం ఆలోచించకుండా రాజమౌళితో చేయాలని ఉందని విష్ణు తెలిపారు.
ఆయన తెరకెక్కించిన మన “RRR” గురించి హాలీవుడ్ ఇండస్ట్రీ వాళ్లు గొప్పగా చెప్పుకుంటున్నారని అందుకు గర్వపడుతున్నానని తెలిపారు. హాలీవుడ్ ప్రముఖ క్రిటిక్స్ రాజమౌళి పనితనంపై… చాలా గొప్పగా మాట్లాడుకుంటున్నారు. ఆయన ఒప్పుకుంటే సినిమా చేయడానికి చాలామంది హాలీవుడ్ వాళ్లు రెడీగా ఉన్నారు అని విష్ణు తెలిపారు. ఇంకా డైరెక్టర్ బాపు దర్శకత్వంలో కూడా సినిమా చేయాలని ఎప్పటి నుండో తన కోరిక అని చెప్పుకొచ్చారు. ఇందుకోసం పలు మార్లు ఆయనను సంప్రదించడం జరిగిందని కానీ కుదరలేదని విష్ణు పేర్కొన్నారు.