Mehreen: అందాల సోయగం మెహ్రీన్ కౌర్ గురించి ప్రత్యేకంగా పరిచయాలు అవసరం లేదు. న్యాచురల్ స్టార్ నాని హీరోగా తెరకెక్కిన `కృష్ణ గాడి వీర ప్రేమా గాధ`తో సినీ రంగ ప్రవేశం చేసిన మెహ్రీన్.. తనదైన టాలెంట్తో టాలీవుడ్లో క్రేజీ హీరోయిన్గా గుర్తింపు సంపాదించుకుంది. ప్రస్తుతం ఈ బ్యూటీ `ఎఫ్3` ప్రేక్షకులను పలకరించబోతోంది.
వరుస హిట్లతో దూసుకుపోతున్న డైరెక్టర్ అనిల్ రావిపూడి తెరకెక్కించిన ఈ చిత్రంలో వెంకటేష్, వరుణ్ తేజ్ హీరోలుగా నటించారు. వారి సరసన తమన్నా, మెహ్రీన్లు నటించగా.. బాలీవుడ్ బ్యూటీ సోనాల్ చౌహాన్, సునీల, రాజేంద్ర ప్రసాద్ కీలక పాత్రలను పోషించారు. ఎఫ్ 2`కు సీక్వెల్గా రూపుదిద్దుకున్న ఈ మూవీ మే 27న ప్రేక్షకుల ముందుకు రాబోతోంది.
- Read the latest news from NEWSORBIT
- Follow us on facebook , Twitter , instagram and Googlenews
ఈ నేపథ్యంలోనే మెహ్రీన్ చిత్ర టీమ్తో కలిసి ప్రచార కార్యక్రమాల్లో పాల్గొంటోంది. ఇందులో భాగంగానే ఆమె తాజాగా ఓ ఇంటర్వ్యూలో మెరిసింది. ఈ సందర్భంగా ఆమె ఎన్నో ఆసక్తికర విషయాలను షేర్ చేసుకుంది. అలాగే ఎవరికీ తెలియని ఓ కొత్త విషయాన్ని సైతం అందరితోనూ పంచుకుంది. అదేంటంటే.. ఐకాన్ స్టార్ అల్లు అర్జున్ హీరోగా బోయపాటి శ్రీను దర్శకత్వంలో వచ్చిన సూపర్ హిట్ మూవీ `సరైనోడు`లో మొదట మెహ్రీన్నే హీరోయిన్గా సంప్రదించారట.
కానీ, పలు కారణాల వల్ల ఆమె ఆ సినిమా చేయలేకపోయిందట. దాంతో రకుల్ను హీరోయిన్గా ఎంపిక చేశారు. అయితే బన్నీ సరసన సరైనోడులో తన కెరియర్ వేరేలా ఉండేదని మెహ్రీన్ చెప్పుకొచ్చింది. ఆ సినిమా చేయలేకపోయినందుకు ఇప్పటికీ బాధపడుతూనే ఉంటానని కూడా ఆమె పేర్కొంది. దీంతో ఆమె కామెంట్స్ కాస్త నెట్టింట వైరల్గా మారాయి.