తెలుగు ఫిల్మ్ ఇండస్ట్రీని ఒక కుదుపు కుదిపిన కాస్టింగ్ కౌచ్ వివాదం.. నెమ్మదిగా కోలీవుడ్ కి పాకి అక్కడ చిన్న సైజ్ సునామీనే సృష్టించింది. సింగర్ చిన్మయి మొదలు పెట్టిన ఈ ఉద్యమం నెమ్మదిగా తారాస్థాయికి చేరి, పెద్దపెద్ద పేర్లే బయటకి వచ్చాయి. ఇప్పుడు ఈ ఉద్యమం మీటు పేరుతో బాలీవుడ్ లోకి ఎంటర్ అయ్యి అక్కడ రచ్చరచ్చ చేస్తుంది. అవకాశాల కోసం వచ్చే అమ్మాయిలని ఇబ్బంది పెట్టిన ఎంతో మంది పేర్లు ఇప్పటికే మీడియా ద్వారా, సోషల్ మీడియాలో ద్వారా జనాల్లోకి వెళ్లిపోయాయి, సినిమా అవకాశాలు కూడా పోగొట్టుకున్నారు. తాజాగా ఈ లిస్ట్ లో ఒక ప్రముఖ బాలీవుడ్ దర్శకుడు పేరు కూడా వినిపిస్తుండడం బాలీవుడ్ ఇండస్ట్రీ వర్గాలనే షాక్ కి గురి చేసింది. మంచి కథా బలమున్న సినిమాలు చేస్తూ, అందరి దగ్గర మంచి పేరు తెచ్చుకున్న రాజ్‌కుమార్‌ హిరాణీపై లైంగిక వేధింపుల ఆరోపణలు బయటకి రావడంతో హిందీ చిత్ర పరిశ్రమ ఉలిక్కి పడింది. హిరాణీ తనను ఆరు నెలలుగా వేధిస్తున్నాంటూ ఆయన వద్ద పనిచేసిన సహయ దర్శకురాలు ఆరోపణలు చేశారు. ‘సంజు’ సినిమా పోస్ట్‌ ప్రొడక్షన్‌ సమయంలో హిరాణీ తనను లైంగికంగా వేధించారని ఆమె ఆరోపిస్తున్నారు. దీని గురించి ఆమె ‘సంజు’ సినియా నిర్మాత విధు వినోద్‌ చోప్రాకు మెయిల్ పంపింది.
ఆ మెయిల్ లో ‘హిరాణీ మంచి పేరున్న దర్శకుడు. నేను కేవలం ఆయన వద్ద పనిచేస్తున్న అసిస్టెంట్‌ను. నా పట్ల జరిగినది చాలా పెద్ద తప్పు. నా పట్ల జరిగిన దారుణాన్ని ఎవరికీ చెప్పుకోలేను. ఆయన కారణంగా నా మనసు, శరీరం పాడైపోయాయి. అలా ఆరు నెలల పాటు హిరాణీ నన్ను లైంగికంగా వేధించారు. ఉద్యోగాన్ని పోగొట్టుకోలేక మౌనంగా ఉండాల్సి వచ్చింది. ఒకవేళ ఈ ఉద్యోగాన్ని వదిలేసినా మరో ఉద్యోగం దొరకదేమోనన్న భయం. తప్పని పరిస్థితుల్లో మౌనంగా ఉండాల్సిం వచ్చింది” అని ఆమె రాసుకొచ్చింది.
రాజ్‌కుమార్‌ హిరాణీ ఎంత గొప్ప దర్శకుడు అన్నది ప్రత్యేకంగా చెప్పాల్సిన అవసరం లేదు. మున్నాభాయ్ ఎం.బి.బి.ఎస్, లగేరహో మున్నాభాయ్, 3ఇడియట్స్, పీకే, సంజు సినిమాలకి దర్శకత్వం వహించారు. ఆయన తీసినిమాలన్నీ బ్లాక్ బస్టర్ హిట్స్ గా నిలిచాయి. సందేశాత్మక సినిమాలకి వినోదాన్ని పంచుతూ సినిమాని తెరకెక్కించే రాజ్ కుమార్ ఇలాంటి పనులు చేస్తాడా? ఆడవాళ్ల పట్ల ఇలా బిహేవ్ చేస్తాడా? అనే అనుమానాలు మొదలయ్యాయి. రాజ్ కుమార్ హిరానీపై ఈ ఆరోపణలు ఎంత వరకు నిజమనేది తెలియదు కానీ ఈ వార్త బయటకి వచ్చినప్పటి నుంచి భిన్న అభిప్రాయాలు వినిపిస్తున్నాయి.
