Naga Chaitanya: యువసామ్రాట్ అక్కినేని నాగచైతన్య సమంతతో విడిపోయిన సంగతి తెలిసిందే. ప్రేమించి పెళ్లి చేసుకున్న ఈ జంట.. ఇటీవల తమ వైవాహిక జీవితానికి ఎండ్ కార్డ్ వేసి ఎవరి దారి వారు చూసుకున్నారు. ప్రస్తుతం కెరీర్పైనే ఫోకస్ పెట్టిన చైతు.. త్వరలోనే `థాంక్యూ` సినిమాతో ప్రేక్షకుల ముందుకు రాబోతున్నారు.
అలాగే విక్రమ్ కే కుమార్ దర్శకత్వంలో ఓ వెబ్ సిరీస్ను ప్రారంభించాడు. `దూత` పేరుతో రూపుదిద్దుకున్న ఈ సిరీస్ షూటింగ్ సైతం స్టార్ట్ అయింది. అమెజాన్ ప్రైమ్ నిర్మాణంలో తెరకెక్కుతున్న ఈ హారర్, థ్రిల్లర్ వెబ్ సిరీస్లో చైతు డిఫరెంట్ రోల్లో కనిపించబోతున్నాడు. ఇదిలా ఉంటే.. తాజాగా నాగచైతన్య కొత్త వ్యాపారం స్టార్ట్ చేశాడు.
`షోయూ` పేరుతో ఈయన ఫుడ్ బిజినెస్లోకి ఎంట్రీ ఇచ్చాడు. క్లౌడ్ కిచెన్ విధానంలో పనిచేయనున్న `షోయు` వంటకాలు స్విగ్గీ ద్వారా హైదరాబాద్ కస్టమర్స్కు అందుబాటులో ఉంటాయి. ఈ విషయాన్ని తెలుపుతూ నాగచైతన్య తన సోషల్ మీడియా ఖాతాల ద్వారా ఓ వీడియో పోస్ట్ చేశాడు.
`ప్రపంచమంతా పర్యటించి వివిధ వంటకాలను అనుభవించడం నా అదృష్టం, మీ అందరికీ కూడా ఆ అనుభవాన్ని సృష్టించాలని అనుకున్నాను. అందుకే షోయు ప్రెజెంట్ చేస్తున్నాము. ఇది మీకు కొన్ని అత్యుత్తమ పాన్ ఏషియన్ వంటకాలను అందిస్తుంది. ఈ బ్రాండ్ ప్రారంభించే ముందు వెనుక ఎంతో వర్క్ చేయడం జరిగింది.` అంటూ చైతు తన పోస్ట్ కింద రాసుకొచ్చాడు. ఇక ఈయన పోస్ట్పై విక్టరీ వెంకటేష్ కూతురు ఆశ్రిత స్పందిస్తూ `ఈ కొత్త ప్రయాణానికి శుభాకాంక్షలు బావా` అంటూ బెస్ట్ విషెస్ తెలిపింది. దీంతో ఆశ్రిత రిప్లై వైరల్గా మారింది.
Good food is something I’ve always been passionate about and asian has always been one of my favorites
Presenting shoyu .. a premium delivery only brand that brings some of the finest pan Asian dishes to you ! Order now ! Exclusively on @swiggy_in pic.twitter.com/EYwqOhnj8P— chaitanya akkineni (@chay_akkineni) March 3, 2022