Sekhar Kammula: టాలీవుడ్ ఇండస్ట్రీ లో డైరెక్టర్ శేఖర్ కమ్ముల తెలియని వారు ఉండరు. ఇండస్ట్రీకి అనేకమంది కొత్త నటీనటులను పరిచయం చేసే తరహాలో.. సినిమాలు చేస్తూ అనేక విజయాలు సాధించిన శేఖర్ కమ్ముల అంటే క్లాస్ సినిమాలు ఇష్టపడే సినీ ప్రేమికులు బాగా ఇష్టపడతారు. అంటే ఒకప్పుడు కొత్త నటీనటులతో చేసే శేఖర్ కమ్ముల ప్రస్తుతం స్టార్డమ్ కలిగిన హీరోలతో సినిమాలు చేస్తూ ఉన్నారు. మెగా కాంపౌండ్ హీరో వరుణ్ తేజ్ తో ఫిదా చేసిన కమ్ముల ప్రస్తుతం నాగచైతన్య లవ్ స్టోరీ సినిమా చేస్తున్నారు. ఇదిలావుంటే ఇటీవల చేస్తున్న చాలా సినిమాలలో సాయి పల్లవి ని హీరోయిన్ గా శేఖర్కమ్ముల రిపీట్ చేస్తున్న సంగతి తెలిసిందే.
ఇదిలాఉంటే ఇటీవల ప్రముఖ ఓటీటీ ప్లాట్ ఫామ్ ‘ఆహా’లో నాగ చైతన్య తో అదేవిధంగా సాయి పల్లవి తో కలిసి ఇంటర్వ్యూ ఇవ్వడం జరిగింది. ఈ సందర్భంగా సినిమా షూటింగ్ సమయంలో అనేక విషయాల గురించి ఈ ముగ్గురు ఆడియన్స్ తో పంచుకున్నారు. ఈ క్రమంలో హీరోహీరోయిన్ల ని సినిమా సెట్ లో డైరెక్టర్ శేఖర్ కమ్ముల ఏవిధంగా వ్యవహరిస్తారు అంటూ యాంకర్ ప్రశ్నించడం జరిగింది. ఈ సందర్భంగా హీరోయిన్ సాయి పల్లవి ఈ విషయంలో కలుగజేసుకుని .. శేఖర్ కమ్ముల కొంచెం పొసెసీవ్ అని చెప్పింది. అదే టైంలో సినిమా షూటింగ్ జరుగుతున్న సమయములో సన్నివేశంలో హీరో నాగచైతన్య ని పొగిడితే కనుక నేను కోపంగా .. శేఖర్ కమ్ముల గారి వైపు చూసేదాన్ని .. సంబంధం లేని విషయాలు కూడా ఆయనకు సలహాలు ఇస్తే ఏ విధంగా రియాక్ట్ అవుతారు అనేది చూసేదాన్ని కానీ రిప్లై వచ్చేది కాదు అని చెప్పుకొచ్చింది.
దినికి వెంటనే పక్కనే ఉన్న శేఖర్ కమ్ముల స్పందించి.. వాస్తవానికి తాను ఎవరిని ఎక్కువగా పొగిడే ఉద్దేశం ఉండదని తెలిపారు. సినిమా షూటింగ్ సన్నివేశం సమయంలో.. సన్నివేశం అనుకున్నట్టు రాకపోతే.. మానిటర్ దగ్గర నుండి వెళ్లిపోతానని శేఖర్ కమ్ముల తెలిపాడు. ఇదే తరుణంలో నాగచైతన్య కలుగజేసుకుని ‘యాక్’అనే పదం వాడి వెళ్లిపోతారని చెప్పుకొచ్చారు. దీంతో యాంకరింగ్ చేస్తున్న రానా లీడర్ సినిమా టైం లో ఆ పదం ఉపయోగించుకోలేదు బతికిపోయాం అన్నట్టు కామెంట్ చేయటంతో షోలో నవ్వులు పూశాయి.