Nagababu -Ramcharan: టాలీవుడ్ ఇండస్ట్రీలో కి మెగా వారసుడిగా అడుగు పెట్టిన రామ్ చరణ్ మొదటి సినిమా “చిరుత” తోనే కమర్షియల్ హీరోగా గుర్తింపు సంపాదించుకున్నాడు. తరువాత ఎస్ ఎస్ రాజమౌళి దర్శకత్వంలో “మగధీర” సినిమా చేసి రికార్డు సృష్టించాడు. మగధీర వంటి ఎంతో విజయవంతమైన సినిమాను చేసిన రామ్ చరణ్ “ఆరెంజ్” వంటి డిజాస్టర్ సినిమాల్లో కూడా నటించారు. కథ పరంగా ఎంతో అద్భుతంగా ఉన్న ఈ సినిమా ప్రేక్షకులను ఆకట్టుకోలేకపోయింది. ఇప్పటికీ ఈ సినిమాలో పాటలను ఎంతోమంది ఇష్టపడుతుంటారు.
రామ్ చరణ్ హీరోగా తెరకెక్కిన “ఆరెంజ్” సినిమాను మెగా బ్రదర్ నాగబాబు నిర్మించారు. ఈ సినిమా ద్వారా నాగబాబు ఎన్నో పాఠాలను నేర్చుకున్నారని తెలుస్తోంది. నాగబాబు అతి నమ్మకం వల్లే ఈ సినిమా బడ్జెట్ భారీగా పెరిగి చివరకు నష్టాల్లో కూరుకుపోయింది. ఆరెంజ్ సినిమా గురించి పలు సందర్భాలలో చర్చించిన నాగబాబు తాజాగా మరోసారి ఈ సినిమా ప్రస్తావన తీసుకొచ్చారు. సోషల్ మీడియా వేదికగా ఓ నెటిజన్ అడిగిన ప్రశ్నకు నాగ బాబు చెప్పిన సమాధానం వింటే అందరు షాక్ అవ్వాల్సిందే.
రామ్ చరణ్ ,నాగబాబు ,ఆరెంజ్ సినిమా:
ఆరెంజ్ సినిమా గురించి మెగాబ్రదర్ నాగబాబును ఓ నెటిజెన్ ఈ విధంగా ప్రశ్నించాడు”ఆరెంజ్ సినిమా ఫ్లాప్ తర్వాత చరణ్ మనీ”అని ప్రశ్నించగా.. అందుకు నాగబాబు సమాధానం చెబుతూ..”లేదు మా అన్నయ్య నా సగం అప్పులను తీర్చాడు. ఫ్యూచర్ లో చరణ్ కు తప్పకుండా రెమ్యూనరేషన్ ఇస్తా”అంటూ నాగబాబు తెలియజేశారు. ఈ సందర్భంగా నాగబాబు చెప్పిన సమాధానం ప్రస్తుతం నెట్టింట చక్కర్లు కొడుతోంది. ఇక సినిమాల విషయానికొస్తే రామ్ చరణ్ చిరంజీవితో కలిసి “ఆచార్య” సినిమాలో సందడి చేయనున్నారు. అదేవిధంగా రాజమౌళి దర్శకత్వం వహిస్తున్న “ఆర్ఆర్ఆర్” సినిమాలో రామ్ చరణ్ అల్లూరి సీతారామరాజు పాత్రలో నటిస్తున్న సంగతి మనకు తెలిసిందే.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!