Youtube Records: యూట్యూబ్ రికార్డ్స్ Youtube Records: పవర స్టార్ పవన్ కల్యాణ్ క్రేజ్ గురించి ఎన్నిసార్లు చెప్పుకున్నా తక్కువే. పదేళ్లు ఫ్లాపులు ఎదురైనా ఆయన క్రేజ్ పెరిగిందే కానీ తగ్గలేదు. రెమ్యునరేషన్ విషయంలో కూడా ఈ జనరేషన్ హీరోల్లో తెలుగు సినిమాల వరకు ఆయనే టాప్. మూడేళ్ల నుంచి సినిమాలు చేయకపోయినా.. ప్రస్తుతం ఆయన చేస్తున్న ప్రాజెక్టులకు సంబంధించి సినిమాకు 50కోట్ల వరకూ తీసుకుంటున్నట్టు తెలుస్తోంది. ఇంతటి క్రేజ్ ఉన్న పవన్ కల్యాణ్ ప్రస్తుతం వరుసగా సినిమాలు చేస్తున్నారు. రాజకీయాల్లో కూడా చాలా బిజీగా ఉంటున్నారు. అయితే.. వపన్ క్రేజ్ కు ఇటివల యూట్యూబ్ లో లెక్కలకు పొంతన లేకపోవడం ఆశ్చర్యం రేకెత్తిస్తోంది.
క్రిష్ దర్శకత్వంలో వస్తున్న ‘హరిహర వీరమల్లు’ సినిమా ఫస్ట్ గ్లింప్స్ రిలీజ్ అయింది. రీఎంట్రీ సినిమాగా వస్తున్న వకీల్ సాబ్ పై ఎన్ని అంచనాలు ఉన్నాయో.. అంతకు మించి క్రిష్ సినిమాపై ఉన్నాయి. ఈ సినమా ఫస్ట్ గ్లింప్స్ చాలా ఆకట్టుకుంది. పవన్ కెరీర్లోనే క్యారెక్టర్, మేకోవర్ తో వస్తున్న సినిమా ఇది. పైగా చారిత్రక కథాంశం. అయితే.. ఈ ఫస్ట్ గ్లింప్స్ యూట్యూబ్ కౌంట్ ఇంకా 40లక్షలు దాటలేదు. 4మిలియిన్ల వ్యూస్ కు దగ్గరలో ఉంది. కానీ.. ఆ తర్వాత విడుదలైన నాగార్జున వైల్డ్ డాగ్ టీజర్ మాత్రం ఏకంగా కోటి వ్యూస్ దాటేసి ఔరా అనిపిస్తోంది. నాగ్ కెరీర్లోనే హయ్యస్ట్ వ్యూస్ వచ్చిన టీజర్ గా నిలుస్తోంది. దీంతో ఈ సినిమాపై అంచనాలు పెరిగిపోయాయి.
ఇప్పుడిదే సినీ సర్కిల్స్ లో హాట్ టాపిక్ గా మారింది. సీనియర్ సూపర్ స్టార్ నాగార్జున సినిమాల కలెక్షన్లకు పవన్ సినిమాల కలెక్షన్లకు పొంతన ఉండదు. పవన్ సినిమాకు మొదటి రోజు ఓపెనింగ్సే భారీగా ఉంటాయి. అజ్ఞాతవాసి కూడా మొదటిరోజు 56 కోట్లు వరకూ వసూలు చేసి తెలుగు సినిమాల్లో రికార్డులు సృష్టించింది. అటువంటి పవన్ సినిమా ఫస్ట్ గ్లింప్స్ వస్తే వ్యూస్ అదిరిపోవాలి. కానీ.. తక్కువగా ఉన్నాయి. అయితే.. సినిమా అసలు టీజర్ వస్తే రికార్డులు ఖాయమని పవన్ ఫ్యాన్స్ అంటున్నారు. ఇది నిజమే అయినా.. తన స్టిల్ తోనే రికార్డులు క్రియేట్ చేసే పవన్ సినిమాపై వ్యూ కౌంట్ తగ్గడం చర్చనీయాంశంగా మారింది.