నాట్యం ఫస్ట్ లుక్ పోస్టర్ ను మెగా కోడలు ఉపాసన కొణిదెల విడుదల చేశారు. ఈ సినిమాలో కూచిపూడి డాన్సర్ గా ప్రముఖ పాత్ర పోషిస్తున్న తన స్నేహితురాలు సంధ్య రాజును పరిచయం చేస్తూ నాట్యం సినిమా పోస్టర్ ను శనివారం విడుదల చేశారు. నా స్నేహితురాలు సంధ్యా రాజు తొలిసారిగా కూచిపూడి డాన్సర్ గా “నాట్యం ” సినిమా ద్వారా వెండి తెరకు పరిచయం అవుతున్నారు. తను నటిస్తున్న మొదటి సినిమా “నాట్యం” అని మెగా కోడలు తెలిపారు.
ఈ సందర్భంగా మొదటి కూచిపూడి డాన్సర్ గా సినిమా రంగంలోకి అడుగుపెడుతున్న సంధ్యా రాజును ఈ సందర్భంగా ప్రేక్షకులకు పరిచయం చేస్తున్నాను. “నాట్యం” టైటిల్ తనకు ఎంతో బాగా నచ్చింది అంటూ మెగా కోడలు ఉపాసన ట్వీట్ చేశారు. ఉపాసన విడుదల చేసిన ఈ పోస్టర్ లో సంధ్యా రాజు కూచిపూడి నాట్యం చేస్తూ కనిపించడంతో అందరిని ఆకట్టుకుంది. ఈ సినిమాను దర్శకుడు రేవంత్ కోరుకొండ తెరకెక్కించగా, ఈ సినిమాకు శ్రవణ్ భరద్వాజ్ సంగీతం సమకూర్చుతున్నారు.
ఈ సినిమాలు నటులు కమల్ కామరాజు, రోహిత్ బెహాల్ లు కీలక పాత్ర పోషిస్తున్నారు. ఈ సినిమా పోస్టర్ ను మెగా కోడలు ఉపాసన విడుదల చేయడంతో ఎంతోమంది మెగా అభిమానులను ఆకట్టుకుంది. ప్రస్తుతం ఉపాసన విడుదల చేసిన ఈ పోస్టర్ లో సంధ్యా రాజు నాట్యం చేస్తూ కనిపించడంతో ఈ పోస్టర్ సోషల్ మీడియాలో బాగా వైరల్ అయింది.