Nazriya Nazim: నజ్రియా నజీమ్.. ఈ బ్యూటీ గురించి కొత్తగా పరిచయాలు అవసరం లేదు. మలయాళంకు చెందిన ఈ ముద్దుగుమ్మ.. తెలుగులో ఒక్క డైరెక్ట్ సినిమా కూడా చేయలేదు. కానీ, ఈమె నటించిన మలయాళ సినిమాలు తెలుగుతో డబ్ అవ్వడంతో.. ఇక్కడా మంచి ఫాలోయింగ్ను సంపాదించుకుంది. ముఖ్యంగా `రాజారాణి` మూవీతో తెలుగు ప్రేక్షకులకు బాగా కనెక్ట్ అయింది.
అయితే సినీ గడప తొక్కిన చాన్నాళ్లకు తెలుగులో ఓ డైరెక్ట్ మూవీ చేసింది. అదే `అంటే..సుందరానికీ!`. న్యాచురల్ స్టార్ నాని హీరోగా, వివేక్ ఆత్రేయ దర్శకత్వంలో రూపుదిద్దుకున్న కంప్లీట్ లవ్ అండ్ కామెడీ ఎంటర్టైనర్. మైత్రీ మూవీ మేకర్స్ వారు నిర్మించిన ఈ సినిమా జూన్ 10న తెలుగుతో పాటు తమిళ్, కన్నడ, మలయాళ భాషల్లో విడుదల కాబోతోంది.
- Read the latest news from NEWSORBIT
- Follow us on facebook , Twitter , instagram and Googlenews
ప్రస్తుతం ఈ చిత్రానికి మేకర్స్ విసృతంగా ప్రచార కార్యక్రమాలను నిర్వహిస్తున్నారు. ఇకపోతే.. నజ్రియా ఒక్కో సినిమాకు మధ్య కనీసం రెండేళ్ల గ్యాప్ తీసుకుంటుంది. నాలుగేళ్లు గ్యాప్ తీసుకున్న సందర్భాలు ఉన్నాయి. ఇటీవల నాని సైతం మలయాళంలో నాలుగేళ్లకు ఓ సినిమా చేసే నజ్రియా తమ చిత్రానికి ఓకే చెప్పడం ఎంతో అదృష్టమని సరదాగా సెటైర్లు వేశారు.
అయితే సినిమా, సినిమాకు అన్నేళ్ల గ్యాప్ ఎందుకు తీసుకుంటున్నానో తాజాగా నజ్రియా వివరించింది. అంటే..సుందరానికీ మూవీ ప్రమోషన్స్లో ఓ ఇంటర్వ్యూలో పాల్గొన్న ఆమె.. `నేను ఒక సినిమా పూర్తయ్యాక కావాలనే బ్రేక్ తీసుకుంటాను. ఆ బ్రేక్ రెండేళ్ల వరకూ ఉంటుంది. నేను వెకేషన్ మూడ్ లో ఉన్నప్పుడు సినిమాలు చేసే మూడ్లో ఉండను. కొన్నిసార్లు కథలను విన్పప్పటికీ యాక్టివ్గా ఉండను. నా వ్యక్తిగత జీవితానికి ఎక్కువ ప్రాధాన్యత ఇస్తాను. అందుకే ఒక్కో సినిమాకు అంత గ్యాప్ తీసుకుంటా` అని చెప్పుకొచ్చింది.