Balakrishna – Akhanda: టాలీవుడ్ ఇండస్ట్రీలో మంచి నటుడిగా ఎంతో గుర్తింపు సంపాదించుకున్న హీరోలలో నందమూరి బాలకృష్ణ గురించి ప్రత్యేకంగా చెప్పాల్సిన పనిలేదు. బాలనటుడిగా ఇండస్ట్రీలో అడుగు పెట్టిన బాలకృష్ణ ఎన్నో విజయవంతమైన సినిమాల్లో నటించి మంచి గుర్తింపును సంపాదించుకున్నారు. ప్రస్తుతం బాలకృష్ణ బోయపాటి శ్రీను దర్శకత్వంలో ఓ సినిమా చేస్తున్న సంగతి మనకు తెలిసిందే. ఇన్ని రోజులు ఈ సినిమా “BB3″టైటిల్ తో షూటింగ్ జరుపుకుంటుంది.
ఉగాది పండుగ సందర్భంగా బోయపాటి శ్రీను బాలకృష్ణ దర్శకత్వంలో తెరకెక్కుతున్న ఈ సినిమాకు “అఖండ”అనే పవర్ ఫుల్ టైటిల్ ను ప్రకటించారు. వీరిద్దరి కాంబినేషన్లో ఇప్పటికే తెరకెక్కిన “సింహ”, “లెజెండ్”చిత్రాలు బాక్సాఫీస్ వద్ద భారీ కలెక్షన్లను రాబట్టాయి. ముచ్చటగా మూడోసారి వీరిద్దరి కాంబినేషన్ లో తెరకెక్కుతున్న ఈ సినిమాలో బాలకృష్ణ త్విపాత్రాభినయం చేస్తున్నారని సమాచారం వినబడుతోంది.
బాలకృష్ణ త్విపాత్రాభినయం:
బోయపాటి దర్శకత్వంలో తెరకెక్కుతున్న ఈ సినిమాలో ఇప్పటివరకు బాలకృష్ణ రెండు గెటప్ లను మాత్రమే పరిచయం చేశారు. అయితే ఈ ఉగాది పండుగ సందర్భంగా ఈ సినిమాలో బాలకృష్ణ పోషించే అఘోర పాత్రను చూపించడంతో బాలకృష్ణ సినిమాలో త్విపాత్రాభినయం చేస్తున్నారా అనే సందేహాలు వ్యక్తమవుతున్నాయి.ముఖ్యంగా “హర హర మహదేవ్, శంభో శంకర అంటూనే కాలు దువ్వే నంది ముందు.. రంగు మార్చే పంది” అంటూ బాలయ్య చెప్పిన ఒక్క డైలాగ్ ఈ సినిమా ఏ స్థాయిలో ఉంటుందో ప్రేక్షకులు అంచనా వేయవచ్చు. ఇక తెలుగు సినిమా ఇండస్ట్రీలోనే ఎక్కువగా ద్విపాత్రాభినయం చేసిన హీరోగా బాలకృష్ణ రికార్డు సొంతం చేసుకున్నారు.
ఇక ప్రస్తుతం బోయపాటి దర్శకత్వంలో రానున్న అఖండ సినిమాలో ఏకంగా త్విపాత్రాభినయం చేయడంతో అభిమానులలో ఈ సినిమాపై అంచనాలను పెంచుతుంది. మొత్తానికి బాలయ్య ఒకటి కంటే ఎక్కువ పాత్రలు పోషించడం సినిమాల లిస్టులోకి “అఖండ” సినిమా కూడా చేరిపోయిందని చెప్పవచ్చు. అయితే ఇదివరకే బోయపాటి బాలకృష్ణ దర్శకత్వంలో తెరకెక్కిన “సింహ” సినిమాలో బాలకృష్ణ తండ్రీకొడుకుల పాత్రలో సందడి చేశారు. అదేవిధంగా “లెజెండ్” సినిమాలో కూడా బాలకృష్ణ అన్నా, తమ్ముడి పాత్రలో ద్విపాత్రాభినయంలో కనిపించారు. ఇక మూడో సినిమా “అఖండలో” కూడా బాలకృష్ణ త్విపాత్రాభినయం చేయడం విశేషం.