టాలీవుడ్ దర్శక ధీరుడు రాజమౌళి గురించి ప్రత్యేకంగా ప్రస్తావించాల్సిన అవసరం లేదు. బాహుబలి సినిమా తరువాత జక్కన్న పేరు నలుమూలలా వ్యాపించింది. ఇక ఈ సంవత్సరం రిలీజైన RRR సినిమా అతని వైభవాన్ని సుస్థిరం చేసింది. ఈ సినిమాకి హాలీవుడ్ క్రిటిక్స్ సైతం జేజేలు కొడుతున్నారు. అందుకే హాలీవుడ్ ప్రొడక్షన్ హౌస్ లు కూడా జక్కన్నతో కలిసి వర్క్ చేసేందుకు పోటీ పడుతున్నాయి. రాజమౌళి తండ్రి విజయేంద్ర ప్రసాద్ ఆమద్య ఒక హాలీవుడ్ నిర్మాణ సంస్థతో కలిసి వర్క్ చేయబోతున్నట్లుగా కూడా ఆ మధ్య చెప్పుకొచ్చాడు.
Netflix ఆఫర్ ఇదే:
తాజాగా నెట్ ఫ్లిక్స్ సంస్థ ఏకంగా 100 కోట్ల భారీ ఆఫర్ ను రాజమౌళికి ఇచ్చిందనే వార్తలు తెలివుడ్లో గుప్పుమంటున్నాయి. RRR సినిమా నెట్ ఫ్లిక్స్ లో ప్రపంచ వ్యాప్తంగా ట్రెండ్ అవుతోన్న సంగతి తెలిసినదే. ఈ నేపథ్యంలో రాజమౌళితో భవిష్యత్తులో వర్క్ చేయాలనే యోచనతో ఉందట Netflix. రాజమౌళితో ఒరిజినల్ కంటెంట్ ను నిర్మించేందుకు భారీ బడ్జెట్ తో నెట్ ఫ్లిక్స్ ముందుకు వచ్చినట్లుగా సమాచారం. స్క్రిప్ట్ నేపథ్యం ఏదైనా పర్వాలేదు గాని, ఒక వెబ్ సిరీస్ ను మా కోసం చేయాల్సిందిగా జక్కన్న కు ఈ ఆఫర్ ను నెట్ ఫ్లిక్స్ ఇచ్చిందనే వార్తలు వస్తున్నాయి. అయితే జక్కన్నను ఆ ఆఫర్ టెంప్ట్ చేయలేదు.
కారణం ఇదే:
ప్రస్తుతానికి జక్కన్న మహేష్ బాబుతో సినిమా చేసేందుకు సిద్ధం అవుతున్నాడు. కనుక నెట్ ఫ్లిక్స్ వారి యొక్క ప్రపోజల్ కు రాజమౌళి ఓకే చెప్పే అవకాశాలు కనిపించడం లేదు అని సినిమా పండితుల మాట. ఇంకో విషయం ఏమంటే, రాజమౌళి ఇక్కడ అంతకంటే ఎక్కువ సంపాదిస్తున్నాడనేది నిర్వివాదాంశం. అయితే అతగాడు డైరెక్ట్ గా ప్రాజెక్ట్ లో ఇన్వాల్వ్ అవ్వకుండా ఆయన శిష్యులతో అయినా నెట్ ఫ్లిక్స్ ఒరిజినల్ కంటెంట్ తో అసోషియేట్ అవ్వాల్సిందిగా వారు కోరుతున్నారట. అందుకు కూడా భారీ మొత్తంలో ఆఫర్ చేస్తున్నారని వినికిడి. అయితే జక్కన్న ఇప్పటి వరకు నెట్ ఫ్లిక్స్ ఆఫర్ కు సంబంధించి ఎలాంటి నిర్ణయాన్ని తీసుకున్నారు అనే విషయంలో ఇంకా క్లారిటీ లేదు.