Karthika Deepam Doctor Babu : బుల్లితెర సీరియల్స్ లో టాప్ వన్ సీరియల్ గా మంచి రేటింగ్ ను సంపాదించుకుంటున్న సీరియల్ ఏదంటే అందరికీ వెంటనే గుర్తుకు వచ్చేది, స్టార్ మాలో ప్రసారం అవుతున్న కార్తీకదీపం అని చెప్పవచ్చు. ఈ సీరియల్ కి ఉన్న పాపులారిటీ వేరే సీరియల్స్ కు లేదు.
ఈ సీరియల్ అంతలా పాపులారిటీ సంపాదించుకోవడానికి గల కారణం ఈ సీరియల్ లోని, వంటలక్క, డాక్టర్ బాబు, మౌనిత, సౌందర్య వంటి పాత్రలు కారణమని చెప్పవచ్చు. ఈ సీరియల్ లో హీరోయిన్ పాత్రలో నటించే వంటలక్కకి రెండు తెలుగు రాష్ట్రాలలో ఎంతో మంది అభిమానులు ఉన్నారు. కేవలం బుల్లితెరపై మాత్రమే కాకుండా సోషల్ మీడియాలో కూడా బాగా పాపులారిటీ సంపాదించుకున్నారు.
అయితే మహిళా దినోత్సవం సందర్భంగా కార్తీక్ దీపం డాక్టర్ బాబు ప్రపంచంలోని మహిళలందరికీ మహిళా దినోత్సవ శుభాకాంక్షలు తెలియజేస్తూ ఒక వీడియోను సోషల్ మీడియా ద్వారా పంచుకున్నారు. అయితే ఈ వీడియో ప్రస్తుతం సోషల్ మీడియాలో వైరల్ గా మారింది. ఈ వీడియో చూసిన నెటిజన్లు తీవ్రస్థాయిలో డాక్టర్ బాబును ట్రోల్ చేయడం మొదలుపెట్టారు. ఇంతకీ ఆ వీడియోలో ఏముందంటే…
మీరు లేకుండా మేము ఉండలేము:
మీరు లేకుండా మేము ఉండలేమని తెలిసిన మిమ్మల్ని ఎంతగానో బాధ పెడుతాము, మీ పట్ల ఎంతో మూర్ఖంగా ప్రవర్తిస్తాము, మిమ్మల్ని ఏడిపిస్తాము. మీరు దేనినైనా సృష్టిస్తారు, మేము నాశనం చేస్తాం. మీరు ప్రేమిస్తారు, మేము మోసం చేస్తాము. అయినా ఎంతో ఓపికగా మమ్మల్ని భరిస్తున్నారు. మీకు మరింత గౌరవం దక్కాలంటే ముందుగా మార్పు మాలో రావాలి మీకు ఎంతో గౌరవం దక్కాలని మనస్ఫూర్తిగా కోరుకుంటూ ఈ ప్రపంచంలో ఉన్న మహిళలందరికీ మహిళా దినోత్సవ శుభాకాంక్షలు అంటూ వీడియోలు షేర్ చేశారు. ఈ వీడియో చూసిన నెటిజన్లు కార్తీక్ నటిస్తున్న కార్తీకదీపం సీరియల్ లో అనుమానంతో దీపను ఎంతగానో హింసిస్తున్నాడు. ఈ సీరియల్ లో కట్టుకున్న భార్యను కష్టాలపాలు చేస్తూ నిత్యం తనని బాధ పెడుతున్న కార్తీక్ ను నెటిజన్లు తీవ్రస్థాయిలో ట్రోల్ చేస్తున్నారు. కొందరు ముందుగా మీరు వంటలక్కను గౌరవించడం నేర్చుకోండి అనగా, మరికొందరు వంటలకు తప్ప అందరికి మహిళా దినోత్సవ శుభాకాంక్షలు అంటూ కామెంట్లు పెడుతున్నారు. ఏది ఏమైనా మహిళా దినోత్సవం సందర్భంగా మహిళలకు శుభాకాంక్షలు తెలియజేస్తూ డాక్టర్ బాబు అడ్డంగా దొరికిపోయాడు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!