టాలీవుడ్ లో ఇంకా తన లక్ ని పరీక్షించుకుంటున్న హీరోయిన్ నిధీ అగర్వాల్. మున్నా మైఖేల్ సినిమాతో బాలీవుడ్ ఎంట్రీ ఇచ్చిన నిధీ ఆ తర్వాత అక్కినేని నాగ చైతన్య నటించిన సవ్య సాచి సినిమాతో టాలీవుడ్ లో గ్రాండ్ గా ఎంట్రీ ఇచ్చింది. ఈ సినిమా ఫ్లాపయినా మళ్ళీ అక్కినేని అఖిల్ హీరోగా నటించిన మిస్టర్ మజ్ఞు సినిమాలో అవకాశం అందుకుంది. ఇలా బ్యాక్ టు బ్యాక్ అక్కినేని హీరోలతో సినిమాలు చేసిన నిధీ కి సక్సస్ లు దక్కలేదు. అయితే డేరింగ్ అండ్ డాషింగ్ డైరెక్టర్ పూరి జగన్నాధ్ తెరకెక్కించిన ఇస్మార్ట్ శంకర్ సినిమాతో ఫస్ట్ సక్సస్ ను అందుకుంది. దాంతో ఒక్కసారిగా నిధీ అగర్వాల్ పేరు టాలీవుడ్‌లో మార్మోగిపోయింది. కాని అవకాశాలే రాలేదు.
ఒక మంచి ఛాన్స్ కోసం ఎదురు చూస్తున్న సమయంలో నిధీ అగర్వాల్ కి సూపర్ స్టార్ కృష్ణ మనవడు.. మహేష్ బాబు మేనళ్లుడు.. ఎంపీ గల్లా జయదేవ్ కుమారుడు గల్లా అశోక్ డెబ్యూ సినిమాలో అవకాశం వచ్చింది. ఈ సినిమాను ‘భలే మంచి రోజు’ ‘శమంతకమణి’ ‘దేవదాస్’ సినిమాలతో గుర్తింపు తెచ్చుకున్న యంగ్ డైరెక్టర్ శ్రీరామ్ ఆదిత్య తెరకెక్కిస్తున్నాడు. అమరరాజా మీడియా అండ్ ఎంటర్టయిన్ మెంట్ బ్యానర్ పై పద్మావతి గల్లా నిర్మిస్తున్నారు. ఇప్పటికే ఈ సినిమా సగభాగం టాకీ పార్ట్ కంప్లీటయిందట.
ఇక రీసెంట్ గా సూపర్ స్టార్ కృష్ణ పుట్టినరోజు సందర్భంగా గల్లా అశోక్ నటిస్తున్న తాజా చిత్రం నుండి ఫస్ట్ సింగిల్ ప్రోమో సాంగ్ ని రిలీజ్ చేసాడు. ఎస్వీ కృష్ణారెడ్డి దర్శకత్వంలో వచ్చిన ‘యమలీల’ సినిమాలోని సూపర్ హిట్ సాంగ్ ‘జుంబారే జుమ్ జుంబారే’ అనే పాటను అశోక్ గల్లా తన సినిమా కోసం రీమేక్ చేసాడు. ఈ సాంగ్ లో తాత గారిని అనుకరించి ఆకట్టుకున్నాడు. ఇక ఈ సాంగ్ లో నిధీ స్పెషల్ అట్రాక్షన్ గా అనిపిస్తుంది. అంతేకాదు తన గ్లామర్ తో ఈ సాంగ్ లో బాగా హైలెట్ అవుతుందని చెప్పుకుంటున్నారు.
