NTR 31: “KGF” సినిమాలతో ఇండియన్ బాక్సాఫీస్ నీ షేక్ చేసిన ప్రశాంత్ నీల్ .. ఎన్టీఆర్ తో కొత్త సినిమా ప్రకటించడం తెలిసిందే. “RRR” విజయం సాధించిన తర్వాత ప్రశాంత్ నీల్ ప్రకటించిన ఈ ప్రాజెక్టు సహించలనం సృష్టించింది. ఎన్టీఆర్ బర్త్ డే మే నెలలో ఈ ప్రాజెక్టుకు సంబంధించి ఫస్ట్ లుక్ పోస్టర్ కూడా రిలీజ్ చేయడం జరిగింది. ఆ పోస్టర్ లో ఎన్టీఆర్ లుక్ చాలా వైల్డ్ గా ఉండటంతో సినిమాపై అభిమానులకు మరింత ఆసక్తి పెరిగింది. ఇదిలా ఉంటే ఈ సినిమాలో బాలీవుడ్ టాప్ హీరో అమీర్ ఖాన్ నటిస్తున్నట్లు వార్తలు వస్తున్నాయి.
నెగిటివ్ పాత్రలో అమీర్ కనిపించనున్నట్లు ప్రచారం జరుగుతుంది. పాన్ ఇండియా నేపథ్యంలో ఈ సినిమా తెరకెక్కబోతోంది. ప్రశాంత్ నీల్ “కేజిఎఫ్” రెండు భాగాలకు బాలీవుడ్ లో భారీ కలెక్షన్స్ వచ్చాయి. దీంతో తారక్ సినిమాలో అమీర్ కి చాలా స్పెషల్ క్యారెక్టర్ సెట్ చేసినట్లు సమాచారం. త్వరలోనే దీనికి సంబంధించి అధికారిక ప్రకటన రానున్నట్లు వార్తలు వస్తున్నాయి. ప్రస్తుతం ప్రశాంత్ నీల్… ప్రభాస్ తో “సలార్” చేస్తున్నారు. ఈ సినిమా షూటింగ్ మరికొద్ది నెలలో కంప్లీట్ కానుంది. ఆ తర్వాత VFX గ్రాఫిక్స్ వర్క్ స్టార్ట్ కానున్నాయి. సెప్టెంబర్ 28వ తారీకు ఈ సినిమా రిలీజ్ కానుంది. అయితే “సలార్” కంప్లీట్ అయిన వెంటనే ఎన్టీఆర్ ప్రాజెక్ట్ ప్రశాంత్ నీల్ స్టార్ట్ చేయనున్నట్లు వార్తలు వస్తున్నాయి.
“NTR 31” వర్కింగ్ టైటిల్ తో ఈ సినిమా షూటింగ్స్ స్టార్ట్ కానుంది. ప్రశాంత్ నీల్… ఎన్టీఆర్ అభిమాని కావటంతో… ఈ సినిమాపై అభిమానులు భారీ అంచనాలు పెట్టుకున్నారు. ప్రస్తుతం ఎన్టీఆర్.. కొరటాల శివ దర్శకత్వంలో సినిమా చేస్తున్నారు. ఈ సినిమా ఏప్రిల్ 5..2024లో రిలీజ్ కానుంది. అయితే ఈ రెండు సినిమాల షూటింగ్లో ఒకేసారి మొదలుపెట్టే ఆలోచనలో ఎన్టీఆర్ ఉన్నట్లు ఇండస్ట్రీ వర్గాలు అంటున్నాయి. “RRR” ప్రపంచ స్థాయిలో భారీ విజయం సాధించటంతో కొరటాల, ప్రశాంత్ నీల్ సినిమాలు కూడా అదే స్థాయిలో విజయం సాధించే దిశగా.. తారక్ స్క్రిప్ట్ విషయాల్లో చాలా జాగ్రత్తలు తీసుకున్నట్లు సమాచారం.
