NTR: యంగ్ టైగ‌ర్ ఎన్టీఆర్ దాదాపు నాలుగేళ్ల త‌ర్వాత `ఆర్ఆర్ఆర్`తో ప్రేక్ష‌కుల ముందుకు వ‌చ్చాడు. ద‌ర్శ‌క‌ధీరుడు రాజ‌మౌళి తెర‌కెక్కిన ఈ భారీ మ‌ల్టీస్టార‌ర్ చిత్రంలో రామ్ చరణ్ మ‌రో హీరోగా న‌టించాడు. డివివి దాన‌య్య నిర్మించిన ఈ మూవీ మార్చి 25న విడుద‌లై బ్లాక్ బ‌స్ట‌ర్ హిట్‌గా నిలిచింది. ఆర్ఆర్ఆర్ అనంత‌రం ఎన్టీఆర్ త‌న 30వ సినిమాను కొర‌టాల శివ‌తో ప్ర‌క‌టించాడు.
త్వ‌ర‌లోనే ఈ మూవీ సెట్స్ మీద‌కు వెళ్ల‌బోతోంది. అయితే తాజాగా ఎన్టీఆర్ మ‌రో డైరెక్ట‌ర్‌ను లైన్‌లో పెట్టాడ‌ట. అత‌నెవ‌రో కాదు.. ఎన్టీఆర్ అన్న కళ్యాణ్ రామ్‌కు `ప‌టాస్‌`తో సూప‌ర్ హిట్ ఇచ్చిన స‌క్సెస్ ఫుల్ డైరెక్ట‌ర్ అనిల్ రావిపూడి. టాలీవుడ్‌లో అప‌జ‌యం ఎరుగ‌ని ద‌ర్శ‌కుల్లో అనిల్ రావిపూడి ఒక‌రు. ప్ర‌స్తుతం ఈయ‌న విక్ట‌రీ వెంక‌టేష్‌, మెగా ప్రిన్స్ వ‌రుణ్ తేజ్‌ల‌తో `ఎఫ్-3` సినిమా చేస్తున్నాడు.
`ఎఫ్-2`కు సీక్వెల్‌గా రూపుదిద్దుకుంటున్న ఈ చిత్రం స‌మ్మ‌ర్‌లో విడుద‌ల కానుంది. ఎఫ్-3 త‌ర్వాత అనిల్ న‌ట‌సింహం నంద‌మూరి బాల‌కృష్ణ‌తో ఈ మూవీ చేయ‌నున్నాడు. ఇది పూర్తైన వెంట‌నే ఎన్టీఆర్‌తో ఓ సినిమా చేయ‌నున్నాడ‌ని ప్ర‌స్తుతం ఓ వార్త జోరుగా వినిపిస్తోంది. ఇప్ప‌టికే అనిల్ రావిపూడి ఎన్టీఆర్‌కు ఓ స్టోరీ లైన్‌ను వినిపించాడ‌ని.. అది ఆయ‌న‌కు బాగా న‌చ్చి వెంట‌కే గ్రీన్ సిగ్నెల్ ఇచ్చాడ‌ని అంటున్నారు.
వీరి కాంబోలో తెర‌కెక్క‌బోయే మూవీని ప్ర‌ముఖ బ‌డా నిర్మాత దిల్ రాజు నిర్మించ‌నున్నార‌ట. అంతేకాదు, మ‌రి కొద్ది రోజుల్లోనే ఈ ప్రాజెక్ట్‌కు సంబంధించిన ప్ర‌క‌ట‌న రానుంద‌ని అంటున్నారు. ఒకవేళ ఈ ప్ర‌చార‌మే నిజ‌మైతే.. ఎన్టీఆర్ ఫ్యాన్స్ ఫుల్ ఖుషీ అవ్వ‌డం ఖాయం.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!