Allu Arjun NTR: తెలుగు చలనచిత్ర రంగంలో మెగా వర్సెస్ నందమూరి ఫ్యాన్స్ వార్ ఫస్ట్ నుండి ఉన్న సంగతి తెలిసిందే. ఒకప్పుడు చిరంజీవి, బాలకృష్ణ సినిమాలు ఒకేసారి రిలీజ్ అయ్యాయి అంటే ఇద్దరు హీరోల అభిమానులు నువ్వా నేనా అన్నట్టుగా కటౌట్ లు కట్టే పరిస్థితి ఉండేది. సినిమా హిట్ అయింది అంటే ఇంకా పండగ చేసేవాళ్ళు. అసలు నందమూరి మరియు మెగా హీరోల అభిమానులకు పడే పరిస్థితి ఉండేది కాదు. కానీ ఇటీవల “RRR” రిలీజ్ అయ్యాక పరిస్థితి మొత్తం మారిపోయింది. మెగా అదే విధంగా నందమూరి అభిమానుల మధ్య మంచి వాతావరణం నెలకొంది.
ఎన్టీఆర్… చరణ్ కలిసి నటించి.. ఇద్దరు మంచి ఫ్రెండ్స్ అవడంతో…అభిమానులు కూడా ఆ రకంగా మారిపోయారు. “RRR” ప్రీ రిలీజ్ ఈవెంట్ లలో చాలా చోట్ల ఇద్దరు ఒకరిని మరొకరు పొగుడుకుంటూ వచ్చారు. సినిమా హిట్ అయ్యాక.. మొన్న ఆస్కార్ వచ్చేవరకు కూడా ఇద్దరూ ఒకరిని మరొకరు ప్రశంసించుకోవడం జరిగింది. ఇదిలా ఉంటే ఎన్టీఆర్ ఇప్పుడు మరో మెగా హీరోతో మల్టీ స్టారర్ సినిమా చేయడానికి రెడీ అయినట్లు వార్తలు వినిపిస్తున్నాయి. విషయంలోకి వెళ్తే ఐకాన్ స్టార్ అల్లు అర్జున్ తో ఎన్టీఆర్ మల్టీ స్టార్ చేయడానికి చర్చలు జరుగుతున్నట్లు వార్తలు వస్తున్నాయి. ఇటీవలే తమిళ స్టార్ డైరెక్టర్ వెట్రిమారన్ ఎన్టీఆర్ తో సినిమా ఉంటుందని కామెంట్స్ చేశారు.
“విడుదలై పార్ట్ -1” రిలీజ్ సందర్భంగా వెట్రిమారన్ మీడియా సమావేశంలో మాట్లాడుతూ… అసురన్ తర్వాత ఎన్టీఆర్ నీ కలవడం జరిగింది. ఆయనతో తప్పకుండా సినిమా ఉంటుంది. కానీ కొంత సమయం పడుతుంది. అయితే అది సోలో నా… మల్టీ స్టారర్ ప్రాజెక్ట్ అనేది చెప్పలేను అని వ్యాఖ్యానించారు. దీంతో ఇండస్ట్రీలో తాజాగా వినపడుతున్న టాక్ ప్రకారం వెట్రిమారన్.. మల్టీస్టారర్ స్టోరీ సిద్ధం చేస్తున్నట్లు. తారక్ తో పాటు బన్నీ కలిసి నటించే రీతిలో… కథ సిద్ధం చేస్తున్నట్లు వార్తలు వస్తున్నాయి.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!