villains: సినిమా ఇండస్ట్రీలో తెలుగు రేంజ్ ఏంటో ప్రత్యేకంగా చెప్పాల్సిన పని లేదు. ప్రస్తుతం తెలుగు సినిమాలు దేశవ్యాప్తంగా ఎంతో ప్రాచుర్యం పొందాయి. మన తెలుగు సినిమాలలో నటించడం కోసం ఎంతో మంది ఇతర భాషలలో నటించే నటీనటులు తెలుగులో అవకాశాలకోసం ఎదురుచూస్తుంటారు. ఈ క్రమంలోనే మన తెలుగు సినిమాలలో నటించడం కోసం ఇతర భాషలలో స్టార్ హీరోలైన ఎంతోమంది ఇక్కడ విలన్లుగా నటించి మంచి గుర్తింపును సంపాదించుకున్నారు. ఈ విధంగా పలు భాషలలో గుర్తింపును సంపాదించుకున్న ఆ స్టార్ హీరోలు ప్రస్తుతం తెలుగు సినిమాలలో విలన్లుగా నటిస్తూ ఎంతో బిజీగా గడుపుతున్నారు. అయితే ఇతర భాషలలో స్టార్ హీరోలుగా గుర్తింపు తెచ్చుకొని తెలుగులో విలన్లుగా నటించిన కొందరి గురించి ఇక్కడ తెలుసుకుందాం…
1) ఫహాద్ ఫాజిల్:
ఫహాద్ ఫాజిల్ మలయాళంలో సూపర్ స్టార్ గా గుర్తింపు సంపాదించుకున్న ఈ హీరో తెలుగులో అల్లు అర్జున్ నటిస్తున్న పుష్ప సినిమాలో విలన్ పాత్రలో నటించడం కోసం సిద్ధమయ్యారు. ఇప్పటికే ఈ విషయం గురించి చిత్రబృందం అధికారిక ప్రకటన కూడా చేశారు.
2) విజయ్ సేతుపతి:
తమిళంలో స్టార్ హీరోగా ఎన్నో సినిమాలలో నటించి మంచి గుర్తింపును సంపాదించుకున్న విజయ్ సేతుపతి మాస్టర్ సినిమా ద్వారా తన విలనిజాన్ని తెలుగు ప్రేక్షకులకు పరిచయం చేశాడు. ఈ సినిమా ప్రేక్షకులను బాగా ఆకట్టుకుంది. మాస్టర్ సినిమా తర్వాత ఉప్పెన సినిమాలో విజయ్ సేతుపతి నటనకు ప్రేక్షకుల నుంచి మంచి ఆదరణ లభించింది.
3) సుదీప్:
కన్నడ భాషలో సూపర్ స్టార్ గా దూసుకుపోతున్న సుదీప్ ఈగ సినిమాలో విలన్ గా నటించిన అందరిని ఆకట్టుకున్నారు. ఈగ సినిమా మాత్రమే కాకుండా పులి సినిమాలో కూడా విలన్ గా సందడి చేశారు.
4) రవి కిషన్:
భోజ్ పురిలో సూపర్ స్టార్ గా వెలిగిపోతున్న రవి కిషన్ తెలుగులో విలన్ పాత్రలో అద్భుతంగా నటించారు. అల్లు అర్జున్ నటించిన రేసుగుర్రం చిత్రంలో మద్దాలి శివారెడ్డి పాత్రలో ఎంతో అద్భుతంగా నటించి మంచి ఆదరణ పొందారు
5) అనిల్ కపూర్:
బాలీవుడ్ స్టార్ హీరో అనిల్ కపూర్ కూడా ఇప్పుడు విలన్ పాత్రలో తెలుగులో అడుగుపెట్టబోతున్నాడనే విషయం తెలుస్తుంది. మహేష్ బాబు నటిస్తున్న సర్కారీ వారి పాట చిత్రంలో విలన్ పాత్రలో నటిస్తున్నారని సమాచారం వినబడుతుంది. అయితే ఈ విషయం గురించి అధికారిక ప్రకటన వెలువడాల్సి ఉంది.
ఏదిఏమైనా ఇతర భాషల్లో స్టార్ హీరోలుగా గుర్తింపు తెచ్చుకున్న వీరందరూ ఇక్కడ స్టార్ విలన్లుగా పేరు సంపాదించడంతో పాటు అధిక పారితోషకాన్ని కూడా తీసుకుంటున్నారని తెలుస్తోంది.
