GodFather: మెగాస్టార్ చిరంజీవి కొత్త సినిమా “గాడ్ ఫాదర్” అక్టోబర్ 5వ తారీఖు విడుదల కానున్న సంగతి తెలిసిందే. మోహన్ రాజ దర్శకత్వంలో తెరకెక్కిన ఈ సినిమాలో చిరంజీవి పొలిటికల్ లీడర్ గా కనిపిస్తున్నారు. బాలీవుడ్ కండలవీరుడు సల్మాన్ ఖాన్ కూడా కీలక పాత్ర పోషించడం జరిగింది. డైరెక్టర్ పూరి జగన్నాథ్ గెస్ట్ రోల్ చేశారు. మలయాళం “లూసిఫర్” సినిమాకి రీమేక్ గా వస్తున్న ఈ సినిమా లో సునీల్, నయనతార ఇంకా ప్రకాష్ రాజ్ వంటి వాళ్ళు కూడా నటించడం జరిగింది. ఇప్పటికే “గాడ్ ఫాదర్” కి సంబంధించి విడుదలైన వీడియో మరియు “తార్ మర్ టక్కర్ మార్”.. సాంగ్ ప్రేక్షకులను ఎంతగానో ఆకట్టుకుంది. తమన్ అందించిన మ్యూజిక్ ఈ సినిమాకి హైలైట్ అవుతుందని చిరంజీవి ఇప్పటికే ఓ ఇంటర్వ్యూలో తెలియజేశారు.
పరిస్థితి ఇలా ఉంటే “గాడ్ ఫాదర్” ప్రీ రిలీజ్ వేడుకకి.. పవన్ కళ్యాణ్ ముఖ్యఅతిథిగా హాజరవుతున్నట్లు ఇటీవల వార్తలు వైరల్ రావటం తెలిసిందే. అయితే ఈ విషయంలో చిరంజీవి “గాడ్ ఫాదర్” సినిమా యూనిట్ కి కీలక సూచనలు ఇచ్చినట్లు ఇండస్ట్రీలో లేటెస్ట్ వార్త వినిపిస్తోంది. విషయంలోకి వెళ్తే ప్రస్తుతం పవన్ కళ్యాణ్ అమెరికా పర్యటనలో ఉన్నారు. దసరా పూర్తయిన తర్వాత ఇండియాకి చేరుకొనున్నారు. ఈ పరిణామంతో పని నిమిత్తం అమెరికాలో ఉన్న పవన్ కళ్యాణ్ ని డిస్టర్బ్ చేయొద్దని మెగాస్టార్ “గాడ్ ఫాదర్” నిర్మాతలకు తెలియజేశారట. దీంతో నిర్మాతలు కూడా చిరంజీవి చెప్పినట్టు పవన్ నీ డిస్టర్బ్ చేయకుండా.. వేడుకకు ఆహ్వానించే నిర్ణయాన్ని విరమించుకున్నట్లు సమాచారం.
ఈ వార్త సోషల్ మీడియాలో తాజాగా రావటంతో మెగా అభిమానులు నిరుత్సాహం చెందుతున్నారు. మరోపక్క చిరంజీవి సినిమా ఫ్రీ రిలీజ్ వేడుకలకు.. పవన్ వచ్చినప్పుడల్లా ఆ సినిమా హిట్ అయ్యేది. గతంలో సైరా, స్టాలిన్.. ఇంకా పలు సినిమాలు ఈ రీతిగానే విజయం సాధించాయి. “ఆచార్య” తో అట్టర్ ప్లాప్ లో ఉన్న చిరంజీవికి “గాడ్ ఫాదర్”.. హిట్ అవ్వాలని అభిమానులు కోరుకుంటున్న సమయంలో పవన్ ప్రీ రిలీజ్ ఈవెంట్ కి రాడని న్యూస్ రావడం అభిమానులలో నిరుత్సాహం కలిగిస్తుంది.