Pawan Sujeeth: పవర్ స్టార్ పవన్ కళ్యాణ్ ప్రస్తుతం క్రిష్ దర్శకత్వంలో “హరిహర వీరమల్లు” సినిమా చేస్తున్న సంగతి తెలిసిందే. ఈ సినిమాలో పవన్ గత చిత్రాలకు భిన్నమైన పాత్రలో కనిపిస్తున్నారు. వచ్చే ఏడాది ఏప్రిల్ నెలలో ఈ సినిమా విడుదల కానుంది. “హరిహర వీరమల్లు” తర్వాత హరీష్ శంకర్ దర్శకత్వంలో “భగత్ సింగ్ భవదీయుడు” సినిమా చేయనున్నట్లు మొన్నటిదాకా ప్రచారం జరిగింది. కానీ ప్రస్తుత పరిస్థితుల్లో ఆ సినిమా ఆలస్యం అయ్యే అవకాశాలు ఉన్నట్లు ఇండస్ట్రీలో వార్తలు వస్తున్నాయి.
ఇదిలా ఉంటే ఇప్పుడు సడన్ గా అభిమానులకు ఊహించని రీతిలో పవన్ సర్ ప్రైజ్ ఇచ్చారు. మేటర్ లోకి వెళ్తే డివివి దానయ్య నిర్మాతగా… సాహో, రన్ రాజా రన్ దర్శకుడు సుజిత్ దర్శకత్వంలో పవన్ హీరోగా సినిమా వస్తున్నట్లు పోస్టర్ తో కూడిన అధికారిక ప్రకటన విడుదల చేశారు. డీవివి ఎంటర్టైన్మెంట్స్ పతాకంపై ఈ సినిమా తేరకక్కనుంది. దేవి శ్రీ ప్రసాద్ మ్యూజిక్ డైరెక్టర్. అస్తమిస్తున్న సూర్యుడిలో పవన్ బ్యాగ్రౌండ్ లుక్.. షాడో లో గన్ కనిపించడం పోస్టర్ లో హైలెట్ అయింది.
ప్రస్తుతం “హరిహర వీరమల్లు” సినిమా షూటింగ్ కంప్లీట్ చేసే పనిలో ఉన్నారు. ఈ సినిమా అయిన వెంటనే సుజిత్ సినిమా ప్రారంభించడానికి పవన్ ఆసక్తి చూపిస్తున్నట్లు సమాచారం. అనంతరం హరీష్ ప్రాజెక్టు పట్టాలెక్కనుందట. ఇక ఇదే సమయంలో 2024 ఎన్నికలకు పవన్ రెడీ అవుతున్నాడు. ఒకపక్క పార్టీ కార్యక్రమాలు చూసుకుంటూనే మరోపక్క సినిమాలు కూడా చేస్తూ ఉన్నారు. రెండిటినీ బ్యాలెన్స్ చేస్తూ కెరియర్ కొనసాగిస్తున్నారు. అయితే చాలా కాలం తర్వాత పవన్ కొత్త సినిమా అధికారిక ప్రకటన రావడంతో అభిమానులు ఫుల్ సంతోషంగా ఉన్నారు
