Unstoppable 2: ఆహా ఓటిటిలో “అన్ స్టాపబుల్” టాకీషో ఎంటర్టైన్మెంట్ రంగంలో దూసుకుపోతున్న సంగతి తెలిసిందే. మొదటి సీజన్ ఎంటర్టైన్మెంట్ ప్రేక్షకులను ఎంతగానో అలరించి ఒక్కసారిగా దేశంలోనే అన్ని టాకీ షోలలో టాప్ లో నిలిచింది. ముఖ్యంగా హోస్ట్ బాలకృష్ణ… షో సక్సెస్ కావడంలో కీలక పాత్ర పోషించారు. అప్పటివరకు నటుడిగా మాత్రమే ఉన్న బాలయ్య ఒక్కసారిగా హోస్ట్ గా ఎంట్రీ ఇచ్చి తనలో ఉన్న మరో ఎంటర్టైన్మెంట్ యాంగిల్ అద్భుత రీతిలో ఆవిష్కరించి షోకి వచ్చే అతిధులను… కూడా నవ్విస్తూ.. కాంట్రవర్సీ ప్రశ్నలకి కూడా కామెడీ యాంగిల్ లో జవాబులు వచ్చేలా షోనీ అద్భుతంగా ముందుకు నడిపిస్తున్నారు.
కాగా ఇప్పుడు మొదటి సీజన్ కంటే రెండో సీజన్ మరింత ఎంటర్టైన్మెంట్ చేస్తూ ఉంది. చాలామంది బిగ్ సెలబ్రిటీలతోపాటు రాజకీయ నాయకులు కూడా రావడం విశేషం. ఇదిలా ఉంటే ప్రస్తుతం ప్రభాస్ ఎపిసోడ్ కోసం “అన్ స్టాపబుల్” అభిమానులు ఎదురుచూస్తున్న సంగతి తెలిసిందే. డిసెంబర్ 30వ తారీకు స్ట్రీమింగ్ కానుంది. ఇదిలా ఉంటే నెక్స్ట్ పవన్ కళ్యాణ్ ఎపిసోడ్ రానుంది. అయితే ఈ ఎపిసోడ్ కి సంబంధించిన షూటింగ్ ఈనెల 27వ తారీకు జరగనుంది అంట.
కాగా పవన్ కళ్యాణ్ తో పాటు టాప్ దర్శకులు త్రివిక్రమ్ మరియు క్రిష్ కూడా వేదిక పంచుకోనున్నారట. ప్రస్తుతం పవన్ నటిస్తున్న “హరిహర వీరమల్లు” కి క్రిష్ దర్శకుడు. అంతకుముందు బాలకృష్ణతో “గౌతమీపుత్ర శాతకర్ణ” …క్రిష్ తెరకెక్కించారు. దీంతో షోలో మరింత ఎంటర్టైన్మెంట్.. స్పేస్ ఉండేలా అందరికీ కంఫర్టబుల్ గా ఈ రీతిలో.. షో నిర్వాహకులు ప్లాన్ చేయడం జరిగిందంట. సంక్రాంతి పండుగ నాడు పవన్ కళ్యాణ్ “అన్ స్టాపబుల్” ఎపిసోడ్ స్ట్రీమింగ్ చేయాలనీ ప్లాన్ చేసినట్లు టాక్. అంతేకాదు ఈ ఎపిసోడ్ ప్రోమో జనవరి ఫస్ట్ నాడు రిలీజ్ చేయనున్నాట్లు సమాచారం.
