Pawan Kalyan: పవన్ కళ్యాణ్ వరుసపెట్టి సినిమాలు చేస్తూ ఉన్నారు. ఆంధ్రప్రదేశ్ రాష్ట్రంలో గత సార్వత్రిక ఎన్నికలకు ముందు “అజ్ఞాతవాసి” తన లాస్ట్ సినిమా అంటే ఇక సినిమాలు చేయను.. అని ప్రకటించి ఎన్నికలలో ఓడిపోయిన తర్వాత గత ఏడాదిలో పవన్ మళ్లీ రీ ఎంట్రీ ఇవ్వడం తెలిసిందే. “వకీల్ సాబ్” సినిమాతో రీ ఎంట్రీ ఇచ్చిన అదిరిపోయే విజయాన్ని అందుకున్నారు. కాగా “వకీల్ సాబ్” సినిమా చేస్తున్న సమయంలోనే పవన్ చాలా సినిమాలు కమిట్ కావడం తెలిసిందే.
అందులో ఇప్పటికే “బీమ్లా నాయక్” కంప్లీట్ చేసి ఇటీవల విడుదల చేసి బ్లాక్ బస్టర్ విజయాన్ని తన ఖాతాలో వేసుకున్నారు. ఏకంగా ఈ సినిమా 200 కోట్లు కలెక్ట్ చేసే దిశగా వెళ్తున్నట్లు వార్తలు వస్తున్నాయి. ఇక ఇదే సమయంలో క్రిష్ దర్శకత్వంలో “హరిహర వీరమల్లు” అనే సినిమా కూడా పవన్ ప్రజెంట్ చేస్తూ ఉన్నారు. ఆ తర్వాత డైరెక్టర్ హరీష్ శంకర్ దర్శకత్వంలో “భవదీయుడు భగత్ సింగ్” అనే ప్రాజెక్టు ఒప్పుకోవటం తెలిసిందే. సురేందర్ రెడ్డి దర్శకత్వంలో కూడా మరో సినిమా చేస్తున్నట్లు వార్తలు రాగా ఇప్పుడు తాజాగా రవితేజ డైరెక్టర్ తో పవన్ మరో ప్రాజెక్టు ఒప్పుకున్నట్లు సమాచారం.
ఆయన మరెవరో కాదు సుధీర్ వర్మ. ప్రస్తుతం రవితేజ… సుధీర్ వర్మ దర్శకత్వంలో “రావణాసుర” అనే సినిమా చేస్తున్నారు. అయితే ఇటీవల సుధీర్ వర్మ… పవన్ కి స్క్రిప్టు వినిపించినట్లు బాగా నచ్చినట్లు.. త్వరలోనే ఈ ప్రాజెక్టుకు సంబంధించి అధికారిక ప్రకటన రానున్నట్లు సమాచారం. సుధీర్ వర్మ ‘స్వామిరారా’ సినిమాతో హిట్ అందుకున్నారు. ఆ తరువాత ‘దోచేయ్’ .. ‘కేశవ’ .. ‘రణరంగం’ సినిమాలు చేశాడు. కాగా ఇప్పుడు ఏకంగా పవన్ తో సినిమా ఒకే అయినట్లు వార్తలు రావడం ఇండస్ట్రీలో సేన్సేషనల్ గా మారింది.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!