Pawan Kalyan: హరిష్ శంకర్ దర్శకత్వంలో పవన్ కళ్యాణ్ హీరోగా “ఉస్తాద్ భగత్ సింగ్” అనే సినిమా తెరకెక్కనున్న సంగతి తెలిసిందే. ఈ సినిమా ప్రకటన చేసి కొన్ని నెలలు కావస్తున్నా గాని షూటింగ్ ఇప్పటివరకు మొదలు పెట్టకపోవడం అభిమానులను ఎంతో నిరాశకు గురి చేస్తూ ఉంది. గతంలో వీరిద్దరి కాంబినేషన్ లో వచ్చిన “గబ్బర్ సింగ్” బ్లాక్ బస్టర్ విజయం సాధించింది. వరుసపరాజయాలలో ఉన్న పవన్ ఈ సినిమాతో మళ్లీ హిట్ ట్రాక్ ఎక్కటం జరిగింది. పైగా హరీష్ శంకర్.. పవన్ కళ్యాణ్ అభిమాని కావడంతో… ఈ ప్రాజెక్టుపై ఫ్యాన్స్ భారీ అంచనాలు పెట్టుకోవడం జరిగింది.
వాస్తవానికి “ఉస్తాద్ భగత్ సింగ్” టైటిల్ ప్రకటించక ముందు “భగత్ సింగ్ భావదీయుడు” అనే టైటిల్ ప్రకటించడం జరిగింది. 2021లో ఈ సినిమా టైటిల్ ప్రకటించగా.. ఇప్పటివరకు ప్రాజెక్టు పట్టాలక్కలేదు. మైత్రి మూవీ మేకర్స్ వంటి బిగ్ బ్యానర్ లో ఈ కాంబినేషన్ సినిమా నిర్మితమవుతుంది. అయితే ఇప్పుడు “ఉస్తాద్ భగత్ సింగ్” మూవీ షూటింగ్ కీ ముహూర్తం ఫిక్స్ అయినట్లు ఇండస్ట్రీ వర్గాలు అంటున్నాయి. మేటర్ లోకి వెళ్తే ఏప్రిల్ 5వ తారీఖు నాడు హైదరాబాదు అల్యూమినియం ఫ్యాక్టరీ లో యాక్షన్ సన్నివేశంతో సినిమా చిత్రీకరణ ప్రారంభించనున్నారట.
ఈ ఏడాది సెప్టెంబర్ నెలలో పవన్ కళ్యాణ్ బర్త్ డే నాడు ఫస్ట్ లుక్ పోస్టర్ చిన్నపాటి గ్లిమ్స్ వీడియో రిలీజ్ చేసే తరహా విధంగా షూటింగ్ హరీష్ ప్లాన్ చేసినట్లు సమాచారం. హరీష్ సినిమా చేస్తూనే మరో పక్క సుజిత్ దర్శకత్వంలో చేయబోయే “OG” షూటింగ్ కూడా పవన్ స్టార్ట్ చేసే ఆలోచనలో ఉన్నారట. మొత్తం మీద చూసుకుంటే ఈ ఏడాదిలో హరిహర వీరమల్లు, సాయి ధరమ్ తేజ్ సినిమా తో ప్రేక్షకులను పలకరించనున్న పవన్ వచ్చే ఏడాది హరీష్, సుజిత్ సినిమాలు రిలీజ్ చెయ్యనున్నారట.