Kushi: పవన్ కల్యాణ్ Pawan Kalyan Kushi కు పదేళ్ల వరుస ఫ్లాపులకు ముందు 2001 వరకూ వరుస హిట్లు వచ్చాయి. అన్నింట్లోకి పవన్ ని మాస్, క్లాస్, ఫ్యామిలీ ఆడియన్స్ కు చేరువ చేసిన ఆ సినిమా ‘ఖుషి’. 2001 ఏప్రిల్ 27న విడుదలైన ఆ సినిమాకు నేటితో 20 ఏళ్లు పూర్తయ్యాయి. టాలీవుడ్ లో లవ్ స్టోరీతో ఇండస్ట్రీ హిట్ గా నిలిచిన సినిమా ఖుషి. పవన్ కల్యాణ్ స్టయిల్ కు రాష్ట్రం హోరెత్తిపోయింది. పవన్ ను యూత్ ఐకాన్ గా మర్చేసిందీ సినిమా. ‘ఇగో’.. అనే పాయింట్ చుట్టూ ఈ సినిమా ఉంటుంది. మరో ప్రేమజంటను కలిపే ప్రయత్నంలో తమ ప్రేమను వ్యక్తం చేసుకోవడంలో ఇద్దరు యువతీ యువకులు పడే తపనే ఈ కథ.
ఈ పాయింటే యూత్ మాత్రమే ఆదరించే లవ్ స్టోరీ సినిమాకు ఫ్యామిలీ ఆడియన్స్ ను కూడా మెప్పించి ఓ ప్రభంజనమే సృష్టించింది. తమిళ ఖుషికి రీమేక్ గా సినిమా కథను అలానే ఉంచి.. స్క్రీన్ ప్లే, ప్రెజంటేషన్, టేకింగ్, స్టయిల్, పాటలు.. మొత్తం మార్చేశారు. పవన్ కల్యాణ్ క్రియేటివిటీ థాట్స్ ను యాడ్ చేసి ఎస్ జె సూర్య తెరకెక్కించిన విధానం సినిమాను మరో స్థాయిలో నిలిపింది. ఫైట్స్, సాంగ్స్, కాలేజి సీన్స్, ఫ్రెండ్స్, అల్లరి, లవ్.. ఓ బెంచ్ మార్క్ స్టయిల్ క్రియేట్ చేసింది ఖుషి. దీంతో యూత్ కి ఖుషి ధియేటర్లన్నీ కాలేజీ, ప్రేమికులకు పార్క్, ఫ్యామిలీ ఆడియన్స్ కు ఇల్లు, మాస్ కి ఎంటర్ టైన్మెంట్ జోన్ గా మారిపోయాయి.
సినిమా చూసి దర్శకుడు మణిరత్నం.. ‘ఖుషి రీమేక్ లా లేదు ఫ్రెష్ స్టోరీలా ఉంది.. మళ్లీ రీమేక్ చేయొచ్చు’ అనడం సినిమా సృష్టించిన ఇంపాక్ట్ కు నిదర్శనం. పవన్ స్టైల్, లుక్స్, భూమిక అందం, అభినయం, మణిశర్మ సంగీతం, పీసీ శ్రీరామ్ సినిమాటోగ్రఫీ సినిమాకు ప్రాణం. బాక్సాఫీస్ వద్ద కలెక్షన్ల సునామీనే సృష్టించి 8 కేంద్రాల్లో సిల్వర్ జూబ్లీ జరుపుకుంది ఖుషీ. హైదరాబాద్, విజయవాడ సింగిల్ ధియేటర్లలో 1కోటికి పైగా గ్రాస్ వసూలు చేసిన తొలి చిత్రంగా నిలిచింది. శ్రీ సూర్యా మూవీస్ బ్యానర్ పై ఏ.ఎం.రత్నం ఈ సినిమా నిర్మించారు. మెగాస్టార్ చిరంజీవి ఇమేజ్ ను పవన్ కల్యాణ్ టచ్ చేసేంతగా చేసిన సినిమా ‘ఖుషి’.