Pawan Kalyan – NBK: నటసింహం నందమూరి బాలయ్య బాబు పవర్ స్టార్ పవన్ కళ్యాణ్ కలిసిన సందర్భాలు చాలా అరుదు. గతంలో “సుస్వాగతం” సినిమా ప్రారంభోత్సవ కార్యక్రమంలో బాలయ్య పాల్గొనడం జరిగింది. ఆ తరువాత ఒకే ఫ్రేమ్ లో వీరిద్దరు కనిపించిన దాఖలాలు ఎప్పుడు కూడా కనబడలేదు. కానీ త్వరలో ఆహా ఓటీటీలో బాలకృష్ణ హోస్ట్ గా చేస్తున్న “అన్ స్టాపబుల్” టాకీ షోకి పవన్ రానున్నారు. పవన్… బాలయ్య ఎపిసోడ్ కి సంబంధించి వచ్చే వారం షూటింగ్ స్టార్ట్ కానుంది.
సంక్రాంతి పండుగ సందర్భంగా.. “అన్ స్టాపబుల్ 2” పవన్ ఎపిసోడ్ ప్రసారం చేయనున్నారు. పవన్ తో పాటు డైరెక్టర్ త్రివిక్రమ్ మరియు “హరిహర వీరమల్లు” దర్శకుడు క్రిష్ కూడా రానున్నట్లు సమాచారం. ఇదిలా ఉంటే తాజాగా బాలకృష్ణ కొత్త సినిమా “వీరసింహారెడ్డి” సెట్స్ లో పవన్ సందడి చేయడం జరిగింది. అన్నపూర్ణ స్టూడియోలో హరిహర వీరమల్లు, వీర సింహారెడ్డి సినిమాలో షూటింగ్ పక్కపక్కనే జరుగుతూ ఉండటంతో.. షూటింగ్ గ్యాప్ లో బాలకృష్ణతో పవన్ కళ్యాణ్ ప్రత్యేకంగా భేటీ అయ్యారు. దాదాపు 20 నిమిషాల పాటు మాట్లాడుకున్నట్లు సమాచారం. దీంతో ఈ వార్త సినీ రాజకీయ వర్గాలలో చర్చనీయాంశంగా మారింది.
మైత్రి మూవీ మేకర్స్ నిర్మాణ సంస్థ.. “హరిహర వీరమల్లు” మిట్స్ “వీరసింహారెడ్డి” అని సోషల్ మీడియాలో పోస్ట్ చేయడం జరిగింది. బాలయ్య… పవన్ పక్క పక్కన నిలబడి ఫోటోలకు ఫోజులిచ్చారు. ఈ ఫోటోలో డైరెక్టర్ క్రిష్ మరియు హీరోయిన్ శృతిహాసన్ ప్రొడ్యూసర్స్ కూడా ఉండటం జరిగింది. ప్రస్తుతం ఈ ఫోటో సోషల్ మీడియాలో విపరీతంగా వైరల్ అవుతుంది. గోపీచంద్ మలినేని దర్శకత్వంలో బాలకృష్ణ నటిస్తున్న “వీరసింహారెడ్డి” షూటింగ్ క్లైమాక్స్ కి చేరుకుంది. వచ్చే ఏడాది జనవరి 12వ తారీకు ఈ సినిమా రిలీజ్ కానుంది. సరిగ్గా “అన్ స్టాపబుల్” ఎపిసోడ్ ముందు పవన్.. బాలయ్య భేటీ కావడంతో.. అభిమానులలో ఈ వార్త సంచలనంగా మారింది.