Bheemla Naayak: హైదరాబాద్ యూసఫ్ గూడ పోలీస్ గ్రౌండ్ లో “బీమ్లా నాయక్” ప్రీ రిలీజ్ వేడుక అంగరంగ వైభవంగా జరిగింది. గ్రౌండ్ మొత్తం అభిమానులతో నిండిపోయింది. దాదాపు రెండు సంవత్సరాల తర్వాత పవన్ సినిమా రిలీజ్ అవుతున్న నేపథ్యంలో మెగా ఫ్యాన్స్ ఫుల్ ఖుషీగా ఉన్నారు. ఈ క్రమంలో ఈ వేడుకకు ముఖ్య అతిథులుగా విచ్చేసిన టిఆర్ఎస్ మంత్రి కేటీఆర్ అదే విధంగా తలసాని శ్రీనివాస్ యాదవ్.. పవన్ కళ్యాణ్ వ్యక్తిత్వాన్ని.. టాలెంట్ ని పొగడ్తలతో ముంచెత్తారు. అనంతరం పవన్ కళ్యాణ్ మాట్లాడుతూ.. రెండు తెలుగు రాష్ట్రాలు అదేవిధంగా కర్ణాటక.. చెన్నై నుండి వచ్చిన అభిమానులకు కృతజ్ఞతలు తెలిపారు.
ప్రత్యేకంగా ఆహ్వానాన్ని మన్నించి వచ్చిన మంత్రి కేటీఆర్ కి సినిమా యూనిట్ తరపున కృతజ్ఞతలు తెలిపారు. అదే సమయంలో సినిమా ఇండస్ట్రీకి రాజకీయాలు..ఇమడవు అని పవన్ పేర్కొన్నారు. కళాకారుడికి… కులం, మతం, ప్రాంతం అనేది ఉండదు అని స్పష్టం చేశారు. ఈ రీతిగా కులాలకు, మతాలకు, ప్రాంతాలకు అతీతంగా ఎక్కడో చెన్నైలో ఉన్న చిత్ర పరిశ్రమని… ఉమ్మడి ఆంధ్రప్రదేశ్ రాష్ట్రానికి హైదరాబాద్ రాజధానిగా ఉన్న సమయంలో… ఇక్కడికి అనేకమంది పెద్దల సంకల్పించి చిత్ర పరిశ్రమను తీసుకు వచ్చారని గుర్తు చేశారు. అటువంటి ఇండస్ట్రీకి ప్రస్తుతం తెలంగాణ ముఖ్యమంత్రి కేసీఆర్… బంధం మరింత ముందుకు తీసుకెళ్ళేలా… ఇండస్ట్రీకి ప్రోత్సాహం అందిస్తూ.. ఉన్న తెలంగాణ ప్రభుత్వానికి ముఖ్యమంత్రి కేసీఆర్ కి మనస్ఫూర్తిగా సినిమా యూనిట్ తరపున హృదయపూర్వక కృతజ్ఞతలు తెలిపారు. అదేవిధంగా ఇండస్ట్రీకి సంబంధించి ఎప్పుడైనా సరే చిన్న అవసరం ఉంది అంటే.. మంత్రి తలసాని శ్రీనివాస్ యాదవ్ గారు.. వెంటనే స్పందిస్తూ ముందుండి .. కష్టనష్టాలను అర్థం చేసుకునే తోడ్పాటు అందిస్తూ సహకారం అందిస్తున్నారని మనస్ఫూర్తిగా పవన్ ధన్యవాదాలు తెలిపారు.
అదేవిధంగా దానం నాగేందర్ మరియు జూబ్లీహిల్స్ ఎమ్మెల్యే కి కూడా పవన్ కృతజ్ఞతలు తెలిపారు. ఆ తర్వాత బీమ్లా నాయక్ సినిమా విశేషాలు గురించి పవన్ ప్రసంగించారు. సినిమా తీయడం మాత్రమే తనకు తెలుసని.. సినిమా లేకపోతే తనని ప్రజలు గుర్తించే పరిస్థితి.. లేదని .. ప్రజా సేవలో అంత ఉనికి ఉండేది కాదని పేర్కొన్నారు. సినిమా వల్లే ఇంత అభిమానం సంపాదించుకోవడం జరిగిందని పవన్ కీలకంగా ప్రసంగించారు. సినిమాల వల్ల ఏదో అయిపోతాను అని.. కాదు గాని..మన ప్రాంతాలకు దేశానీకి ఏదో చేయాలన్న తపన తనలో ఉందని చెప్పుకొచ్చారు.
రాజకీయాలలో ఉన్న చాలా.. జాగ్రత్తగా సినిమాలు చేస్తున్నట్టు తెలిపారు. “తొలిప్రేమ” టైంలో ఏ విధంగా.. బాధ్యతగా చేయడం జరిగిందో.. అదే రీతిలో ఈ సినిమాని కూడా ఎంతో బాధ్యతగా చేయడం జరిగిందని పవన్ స్పష్టం చేశారు. సినిమా బాగా రావడంతో సినిమా యూనిట్ అద్భుతమైన ప్రోత్సాహం అందించిందని పవన్ కొనియాడారు. ప్రతి టెక్నీషియన్ చాలా కష్టపడ్డారని స్పష్టం చేశారు. ఈ సినిమా ఒక అహంకారానికి ఆత్మ గౌరవంకి మధ్య మడమతిప్పని యుద్ధమని.. ఒక పోలీస్ అధికారికి అదేవిధంగా కాబోయే రాజకీయ నేతకి మధ్య.. జరిగే సంఘర్షణకి.. సంబంధించిన సినిమా అంటూ పవన్ తనదైన శైలిలో ప్రసంగించారు. కచ్చితంగా ప్రేక్షకులను అలరించే విధంగా సినిమా ఉంటుందని స్పష్టం చేశారు. గతంలో మాదిరిగా కాకుండా చాలా జాగ్రత్తగా… పవన్ “బీమ్లా నాయక్” ప్రీ రిలీజ్ వేడుకలో షార్ట్ కట్ లో… ప్రసంగం ముగించడం జరిగింది.