Pawan Kalyan: నేడు సముద్రఖని పుట్టినరోజు కావటంతో పవర్ స్టార్ పవన్ కళ్యాణ్ జనసేన పార్టీ తరఫున జన్మదిన శుభాకాంక్షలు తెలియజేశారు. ఈ క్రమంలో ఒక ప్రకటన విడుదల చేయడం జరిగింది. ‘‘ప్రతిభావంతుడైన దర్శకుడు, రచయిత, నటుడు, మా బంగారు గని సముద్రఖనికి హృదయపూర్వక జన్మదిన శుభాకాంక్షలు. స్నేహశీలి అయిన సముద్రఖని మానవ సంబంధాలపై విశ్వాసం ఉన్నవారు. అందుకే ఆయన చిత్రకథల్లో ఆ భావనలు కనిపిస్తాయి. నేను నటించిన ‘భీమ్లా నాయక్’ చిత్రంలో ఒక ముఖ్య భూమిక పోషించారు. ఇప్పుడు ఆయన దర్శకత్వంలో ఓ చిత్రం రూపుదిద్దుకొంటోంది. రాబోయే రోజుల్లో మరిన్ని విజయాలు అందుకోవాలని మనస్ఫూర్తిగా ఆకాంక్షిస్తున్నాను’’.. అంటూ తనదైన శైలిలో పవన్ బర్త్ డే విషెస్ తెలియజేశారు.
దీనికి సముద్రఖని.. అదిరిపోయే రిప్లై ఇచ్చారు. అన్నయ్య నా పట్ల మీరు చూపించిన ప్రేమ అభిమానాలకు కృతజ్ఞతలు. నీతో నటుడిగా ఇంక దర్శకుడిగా ఈ ప్రయాణం ఎన్నో మంచి విషయాలను నేర్పించింది. మరింత గొప్పగా కొనసాగించడానికి కావలసిన ధైర్యాన్ని ఇంకా చైతన్యాన్ని నాలో నింపింది అని అన్నారు. అంతేకాకుండా సమాజం పట్ల మీకున్న ప్రేమ ఇంకా అక్కర నందు నీ వ్యక్తిత్వానికి అభిమాని అయ్యేలా చేశాయి. సదా మీలాంటి సాహస యోధుడి ఆలోచనలకు, దృక్పథానికి సహచరుడైన ఉండాలని కోరుకుంటాను. ప్రజాశ్రేయస్సుకై మీరు కలలుగానే మార్పు సాకారమై, తెలుగు రాష్ట్రాలకే కాక యావత్ భారతదేశానికి మేలు జరిగే దిశగా ఆ భగవంతుడు మిమ్మల్ని నడిపించాలని, మీకు శక్తి ప్రసాదించాలని ప్రార్థిస్తున్నాను అని సముద్రఖని తన లేఖలో స్పష్టం చేశారు.
ప్రస్తుతం పవన్ కళ్యాణ్ వరుస పెట్టి మూడు సినిమాలు చేస్తున్న సంగతి తెలిసిందే. హరిష్ శంకర్ దర్శకత్వంలో ఉస్తాద్ భగత్ సింగ్, సుజిత్ దర్శకత్వంలో “OG”.. చేస్తుండగా సముద్రఖని దర్శకత్వంలో సాయిధరమ్ తేజ్ తో కలసి మల్టీ స్టారర్ “వినోదయ సీతం” సినిమా రీమిక్స్ చేస్తున్నారు. తమిళంలో ఈ సినిమాలో సముద్రఖని తానే నటించి దర్శకత్వం వహించారు. తెలుగులో దీన్ని మామ అల్లుడుతో రీమిక్స్ చేస్తున్నారు. ఈ సినిమాలో పవన్ కళ్యాణ్ టాకీ పార్ట్ మొత్తం కంప్లీట్ అయిందని గతంలోనే ప్రకటించడం జరిగింది. త్వరలోనే ఈ సినిమాకి సంబంధించి టైటిల్ ప్రకటించనున్నట్లు సమాచారం.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!